Uena u ka re’ng?

• E

• Che

• Mohlomong

Seo Bibele e se buang

“Ho ke ho be hōle le Molimo oa ’nete hore a sebetse bokhopo, le hore Ea Matla ’Ohle a sebetse ka mokhoa o hlokang toka!” (Jobo 34:10) Ha se Molimo ea bakang mahlomola ao re a bonang lefatšeng.

Seo re ithutang sona hape ka Bibeleng

• Batho ba bangata ba utloa bohloko hobane Satane Diabolose ke eena “’musi oa lefatše” lena.—Johanne 14:30.

• Bobe le bokhopo bo atileng mehleng ena bo tlisoa ke liqeto tse fosahetseng tseo batho ba li etsang.—Jakobo 1:14, 15.

Batho ba bang ba lumela hore batho ba ka khona ho felisa lintho tse bohloko haeba ba ka sebetsa hammoho, athe ba bang bona ha ba lumele hore lintho li sa tla ke li loke. Uena u re’ng?

Seo Bibele e se buang

Molimo o tla felisa lintho tse bohloko. “Lefu ha le sa tla hlola le e-ba teng, ’me ho siama kapa ho bokolla kapa bohloko ha li sa tla hlola li e-ba teng.”—Tšenolo 21:3, 4.

Seo re ithutang sona hape ka Bibeleng

• Molimo o tla sebelisa Jesu ho felisa mathata ’ohle a bakiloeng ke Diabolose lefatšeng.—1 Johanne 3:8.

• Batho ba lokileng ba tla phela ka khotso ka ho sa feleng lefatšeng.—Pesaleme ea 37:9-11, 29.