Batho ba bangata ba nka hore sefapano ke letšoao le emelang Bokreste. Le hoja Lipaki Tsa Jehova e le Bakreste, ha re sebelise sefapano bolumeling ba rōna. Hobane’ng?

Lebaka le leng ke hore Bibele e bontša hore Jesu ha a shoela sefapanong empa o shoetse thupeng. Ho feta moo, Bibele e lemosa Bakreste ka matla hore ba “balehele borapeli ba litšoantšo,” e leng se bolelang hore ha baa lokela ho sebelisa sefapano borapeling.​—1 Bakorinthe 10:14; 1 Johanne 5:21.

Jesu le eena o ile a re: “Bohle ba tla tseba ka sena hore le barutuoa ba ka, haeba le e-na le lerato har’a lōna.” (Johanne 13:34, 35) Kahoo, Jesu o ile a bontša hore balateli ba hae ba ne ba tla khetholloa ka lerato le bontšang boitelo—eseng sefapano kapa setšoantšo leha e le sefe.