Alkitab atawa Kitab Suci ngamuat loba kekecapan nu bijaksana. Perhatikeun naon nu dijelaskeun ku salah sahiji ayat, ”Eusi Kitab Suci, sagemblengna wahyu ti Allah.” (2 Timoteus 3:16) Loba bukti nu ngadukung ayat éta. Perhatikeun sababaraha hal ieu:

•   Teu aya nu bisa ngabuktikeun yén sajarah nu dicatet dina Alkitab téh teu akurat.

•   Jalma-jalma nu nulis Alkitab téh kabéh jalujur sarta rendah haté. Ku kituna, bebeneran Alkitab téh nyata dina tulisan maranéhna.

•   Téma utama Alkitab téh nyaéta ngajungjung hak Allah pikeun maréntah manusa sarta ngawujudkeun kahoyong Allah ku jalan Karajaana-Na di sawarga.

•   Baheula, élmu alam nu dipercaya ku jalma-jalma téh béda jeung nu dicatet dina Alkitab. Tapi ayeuna kabukti nu bener téh Alkitab, padahal ditulisna téh geus ti rébuan taun katukang.

•   Bukti-bukti dina catetan sajarah nunjukkeun yén ramalan Alkitab téh geus bener-bener kajadian.