Babad nu Kahiji 25:1-31
-
Nu maraén alat musik jeung nu ngarawih di bumina Allah (1-31)
25 Geus kitu, Daud jeung para pamingpin kelompok palayanan misahkeun sababaraha anak lalaki Asaf, Héman, jeung Yédutun pikeun ngaramal* bari narabeuh harpa, alat musik nu maké senar, jeung simbal. Ieu daptar jalma-jalma nu ditugaskeun:
2 Anak-anak Asaf nu lalaki, nyaéta Zakur, Yusuf, Nétania, jeung Asyaréla. Maranéhna dipingpin ku Asaf bapana, nu ngaramalna nuturkeun pituduh ti Raja.
3 Genep anak Yédutun nu lalaki, nyaéta Gédalia, Zéri, Yésyaya, Syiméi, Hasyabia, jeung Matitia. Maranéhna téh dipingpin ku Yédutun bapana nu ngaramal bari nabeuh harpa sarta ngucap sukur jeung muji Yéhuwa.
4 Anak-anak Héman nu lalaki, nyaéta Bukia, Matania, Uziél, Syébuél, Yérimot, Hanania, Hanani, Éliata, Gidalti, Romamti-ézér, Yosbékasya, Maloti, Hotir, jeung Mahaziot.
5 Maranéhna kabéh téh anak-anak Héman nu lalaki. Héman téh jurutingal Raja nu nepikeun pesen ti Allah nu sajati pikeun ngamulyakeun Allah.* Ku kituna, Allah nu sajati méré 14 anak lalaki jeung 3 anak awéwé ka Héman.
6 Maranéhna ngajalankeun palayanan di bumina Yéhuwa Allah nu sajati. Tugas maranéhna téh ngarawih bari narabeuh simbal, alat musik nu maké senar, jeung harpa. Maranéhna kabéh téh dipingpin ku bapana masing-masing.
Asaf, Yédutun, jeung Héman nuturkeun pituduh ti Raja.
7 Jumlah maranéhna jeung dulur-dulurna nu geus dilatih ngawih pikeun Yéhuwa téh aya 288 urang, kabéhanana jarago ngawih.
8 Maranéhna ngalung undi pikeun ngabagi-bagi tugas, boh keur nu ngora jeung nu kolot boh keur nu geus jago jeung nu diajar kénéh.
9 Waktu diundi, nu mimiti kapilih téh nyaéta Yusuf anak Asaf. Nu kadua nyaéta Gédalia, dulur-dulurna, jeung anak-anakna nu lalaki, kabéhanana aya 12 urang.
10 Nu katilu nyaéta Zakur, anak-anakna nu lalaki, jeung dulur-dulurna, kabéhanana aya 12 urang.
11 Nu kaopat nyaéta Izri, anak-anakna nu lalaki, jeung dulur-dulurna, kabéhanana aya 12 urang.
12 Nu kalima nyaéta Nétania, anak-anakna nu lalaki, jeung dulur-dulurna, kabéhanana aya 12 urang.
13 Nu kagenep nyaéta Bukia, anak-anakna nu lalaki, jeung dulur-dulurna, kabéhanana aya 12 urang.
14 Nu katujuh nyaéta Yésyaréla, anak-anakna nu lalaki, jeung dulur-dulurna, kabéhanana aya 12 urang.
15 Nu kadalapan nyaéta Yésyaya, anak-anakna nu lalaki, jeung dulur-dulurna, kabéhanana aya 12 urang.
16 Nu kasalapan nyaéta Matania, anak-anakna nu lalaki, jeung dulur-dulurna, kabéhanana aya 12 urang.
17 Nu kasapuluh nyaéta Syiméi, anak-anakna nu lalaki, jeung dulur-dulurna, kabéhanana aya 12 urang.
18 Nu ka-11 nyaéta Azarél, anak-anakna nu lalaki, jeung dulur-dulurna, kabéhanana aya 12 urang.
19 Nu ka-12 nyaéta Hasyabia, anak-anakna nu lalaki, jeung dulur-dulurna, kabéhanana aya 12 urang.
20 Nu ka-13 nyaéta Syubaél, anak-anakna nu lalaki, jeung dulur-dulurna, kabéhanana aya 12 urang.
21 Nu ka-14 nyaéta Matitia, anak-anakna nu lalaki, jeung dulur-dulurna, kabéhanana aya 12 urang.
22 Nu ka-15 nyaéta Yérémot, anak-anakna nu lalaki, jeung dulur-dulurna, kabéhanana aya 12 urang.
23 Nu ka-16 nyaéta Hanania, anak-anakna nu lalaki, jeung dulur-dulurna, kabéhanana aya 12 urang.
24 Nu ka-17 nyaéta Yosbékasya, anak-anakna nu lalaki, jeung dulur-dulurna, kabéhanana aya 12 urang.
25 Nu ka-18 nyaéta Hanani, anak-anakna nu lalaki, jeung dulur-dulurna, kabéhanana aya 12 urang.
26 Nu ka-19 nyaéta Maloti, anak-anakna nu lalaki, jeung dulur-dulurna, kabéhanana aya 12 urang.
27 Nu ka-20 nyaéta Éliata, anak-anakna nu lalaki, jeung dulur-dulurna, kabéhanana aya 12 urang.
28 Nu ka-21 nyaéta Hotir, anak-anakna nu lalaki, jeung dulur-dulurna, kabéhanana aya 12 urang.
29 Nu ka-22 nyaéta Gidalti, anak-anakna nu lalaki, jeung dulur-dulurna, kabéhanana aya 12 urang.
30 Nu ka-23 nyaéta Mahaziot, anak-anakna nu lalaki, jeung dulur-dulurna, kabéhanana aya 12 urang.
31 Nu ka-24 nyaéta Romamti-ézér, anak-anakna nu lalaki, jeung dulur-dulurna, kabéhanana aya 12 urang.
Catetan Tambihan
^ Tingali ”Ramalan” dina Daptar Istilah.
^ As. ”pikeun ngangkat tandukna sorangan”. Tingali ”Tanduk” dina Daptar Istilah.
