Babad nu Kahiji 4:1-43
4 Turunan Yéhuda nyaéta Péréz, Hézron, Karmi, Hur, jeung Syobal.
2 Réaya anak Syobal téh bapana Yahat. Yahat téh bapana Ahumai jeung Lahad. Maranéhna téh kulawarga-kulawarga urang Zora.
3 Anak-anak lalaki ti bapana* Étam nyaéta Yizréél, Isma, Idbas (dulur awéwé maranéhna téh Hazélélponi),
4 Pénuél bapana Gédor, jeung Ézér bapana Husya. Maranéhna téh anak-anak lalaki Hur anak cikal Éfrata. Hur téh bapana Bétléhém.
5 Ashur bapana Tékoa boga dua pamajikan, nyaéta Héla jeung Naara.
6 Anak-anakna nu lalaki ti Naara nyaéta Ahuzam, Héfér, Téméni, jeung Haahastari.
7 Ari anak-anakna nu lalaki ti Héla nyaéta Zérét, Izhar, jeung Étnan.
8 Koz téh bapana Anub jeung Zobéba. Manéhna gé karuhunna kulawarga-kulawarga Aharhél anak Harum.
9 Yabéz leuwih dihormat tibatan dulur-dulurna. Manéhna dingaranan Yabéz* lantaran indungna ngomong kieu, ”Waktu ngalahirkeun ieu budak téh kuring ngarasa nyeri.”
10 Yabéz sasambat ka Allah Israél, ”Mugia Gusti ngaberkahan abdi sareng ngalegaan daérah abdi. Mugia Gusti nyarengan abdi sareng ngajaga abdi tina bahaya, supaya abdi teu cilaka!” Jadi, éta paménta téh dikabul ku Allah.
11 Khélub lanceukna Syuha téh bapana Méhir. Méhir téh bapana Éston.
12 Éston téh bapana Bét-rafa, Paséah, jeung Téhina bapana Ir-nahas. Maranéhna téh urang Réka.
13 Anak-anak Kénaz nu lalaki nyaéta Otniél jeung Séraya. Anak* Otniél nu lalaki téh Hatat.
14 Méonotai téh bapana Ofra. Séraya téh bapana Yoab karuhunna penduduk Gé-harasyim.* Disebut Gé-harasyim téh lantaran maranéhna arahli barangjieun.
15 Kaléb anak Yéfuné téh boga anak-anak lalaki, nyaéta Iru, Élah, jeung Naam. Anak* Élah nu lalaki nyaéta Kénaz.
16 Anak-anak Yéhalélél nu lalaki nyaéta Zif, Zifa, Tiria, jeung Asarél.
17 Anak-anak Ézrah nu lalaki nyaéta Yétér, Méréd, Éfér, jeung Yalon. Éta awéwé* ngandung tuluy ngalahirkeun Miryam, Syamai, jeung Isbah bapana Éstémoa.
18 Maranéhna kabéh téh anak-anak lalaki Bitia putri Firaun, nu dikawin ku Méréd. (Ari ti pamajikanana nu urang Yahudi mah budakna téh nyaéta Yéréd bapana Gédor, Hébér bapana Soko, jeung Yékutiél bapana Zanoa.)
19 Pamajikan Hodia, adi awéwéna Naham, boga anak-anak lalaki nu jadi bapana Kéila urang Garmi jeung bapana Éstémoa urang Maakat.
20 Anak-anak Syimon nu lalaki nyaéta Amnon, Rina, Bén-hanan, jeung Tilon. Anak-anak Isyi nu lalaki nyaéta Zohét jeung Bén-zohét.
21 Turunan Syéla anak Yéhuda nyaéta Ér bapana Léka sarta Laada bapana Marésyah. Aya ogé turunan Asbéa, nyaéta kulawarga-kulawarga nu pagawéanana kana ninun kaén lemes.
22 Salian ti éta, turunan Syéla gé aya Yokim, urang Kozéba, Yoas, jeung Saraf, nu karawin jeung awéwé urang Moab, sarta Yasyubi-léhém. Ieu téh catetan nu geus aya ti jaman baheula.
23 Sababaraha ti maranéhna téh tukang nyieunan gagarabah nu matuh di Nétaim jeung Gédéra. Maranéhna digawé keur raja.
24 Anak-anak Siméon nu lalaki nyaéta Némuél, Yamin, Yarib, Zérah, jeung Syaul.
25 Syaul téh bapana Syalum, Syalum téh bapana Mibsam, Mibsam téh bapana Misma,
26 Misma téh bapana Hamuél, Hamuél téh bapana Zakur, Zakur téh bapana Syiméi.
27 Syiméi boga 16 anak lalaki jeung 6 anak awéwé, ari dulur-dulurna mah euweuh nu boga loba anak kawas manéhna. Ti kulawarga-kulawarga maranéhna, euweuh hiji-hiji acan nu boga loba anak kawas kulawarga-kulawarga kaom Yéhuda.
28 Maranéhna maratuh di Béér-syéba, Molada, Hazar-syual,
29 Bilha, Ézém, Tolad,
30 Bétuél, Horma, Ziklag,
31 Bét-markabot, Hazar-susim, Bét-biri, jeung Syaaraim. Maranéhna maratuh di kota-kota éta nepi ka Daud maréntah.
32 Maranéhna gé maratuh di lima kota, nyaéta Étam, Ain, Rimon, Tokhén, jeung Asyan,
33 sarta maratuh di tempat-tempat di sakurilingeun kota-kota éta nepi ka kota Baal. Tah éta silsilah maranéhna jeung tempat matuh maranéhna.
34 Turunan Siméon séjénna nyaéta Mésyobab, Yamlékh, Yosya anak Amazia,
35 Yoél, Yéhu (Yéhu téh anak Yosyibia incu Séraya buyut Asiél),
36 Élioénai, Yaakoba, Yésyohaya, Asaya, Adiél, Yésimiél, Bénaya,
37 sarta Ziza. Ziza téh anakna Syifi, Syifi téh anakna Alon, Alon téh anakna Yédaya, Yédaya téh anakna Syimri, Syimri téh anakna Syémaya.
38 Éta ngaran-ngaran pamingpin di kulawarga maranéhna. Kulawarga ti karuhun maranéhna téh beuki ngalobaan.
39 Maranéhna indit ka jalan asup ka Gédor, ka wétaneun lebak, pikeun néangan tegalan keur ingon-ingonna.
40 Ahirna, maranéhna manggihan tegalan nu alus jeung loba jukutna di nagri nu lega, tenang, jeung aman. Tadina nu maratuh di dinya téh turunan Ham.
41 Jalma-jalma nu ngaranna ditulis téh daratang dina jaman Hizkia raja Yéhuda. Maranéhna ngancurkeun kémah-kémah turunan Ham jeung urang Méunim nu maratuh di dinya. Maranéhna ngamusnakeun kabéhanana, teu katingali sésana nepi ka ayeuna. Jadi, maranéhna maratuh di éta tanah lantaran aya tegalan keur ingon-ingon maranéhna.
42 Sabagian urang Siméon, nu jumlahna 500 urang, indit ka Gunung Séir. Maranéhna dipingpin ku anak-anak Isyi nu lalaki, nyaéta Pélatia, Néaria, Réfaya, jeung Uziél.
43 Geus kitu, maranéhna ngéléhkeun urang Amalék nu nyésa tuluy maratuh di dinya nepi ka ayeuna.
Catetan Tambihan
^ Sababaraha ngaran dina ieu pasal bisa ngamaksudkeun ngaran tempat, lain jalma. Lamun éta téh tempat, ”bapana” bisa ngamaksudkeun ”nu ngadegkeun”.
^ Ngaran ieu bisa jadi aya patalina jeung kecap Ibrani nu hartina ”rasa nyeri”.
^ As. ”Anak-anak”.
^ Hartina ”Lebak Patukangan”.
^ As. ”Anak-anak”.
^ Meureun ngamaksudkeun Bitia dina ay. 18.
