Jabur 110:1-7
Jabur karangan Daud. Lagu.
110 Ceuk Yéhuwa ka Juragan abdi,”Diuk di katuhueun KuringNepi ka Kuring nalukkeun kabéh musuh manéh di handapeun suku manéh.”
2 Yéhuwa bakal ngalantarankeun anjeun ngawasa ka tempat-tempat séjén, teu ngan saukur di Zion. Ceuk Anjeunna,”Geura ngawasa di tengah musuh-musuh manéh.”
3 Waktu anjeun mingpin pasukan pikeun perang, rahayat anjeun bakal maju sukaréla.
Pasukan anjeun téh barudak ngora nu kawas ciibun nu turun isuk-isuk.
Maranéhna téh nya éndah nya suci.
4 Yéhuwa geus sumpah kieu,”Manéh téh imam nu langgeng cara Mélkhizédék!”
Anjeunna moal barobah pikiran.*
5 Yéhuwa bakal aya di katuhueun anjeun.
Dina poé Anjeunna ngabudalkeun amarah, raja-raja bakal dibasmi.
6 Anjeunna bakal ngahukum bangsa-bangsaSarta minuhan nagri maranéhna ku mayit.
Anjeunna bakal ngancurkeun pamingpin* ti nagri nu lega.*
7 Anjeunna* bakal nginum tina walungan di sisi jalan.
Anjeunna bakal unggul.
Catetan Tambihan
^ Atawa ”moal ngarasa kaduhung”.
^ As. ”kapala”.
^ Atawa ”sakuliah bumi”.
^ Maksudna, ”Juragan abdi” dina ay. 1.
