Jabur 128:1-6
Lagu waktu keur nanjak ka kota.
128 Bagja anu hormat* ka Yéhuwa,Anu nuturkeun jalan Anjeunna.
2 Anjeun bakal ngarasakeun hasil tina banting tulang sorangan,Anjeun bakal bagja jeung makmur.
3 Pamajikan anjeun bakal saibarat tangkal anggur anu buahna leubeut di jero imah anjeun,Barudak* anjeun bakal saibarat sirung tangkal zaitun di sakurilingeun méja anjeun.
4 Kitu berkah nu bakal ditarimaKu jalma nu hormat* ka Yéhuwa.
5 Yéhuwa bakal ngaberkahan anjeun ti Zion.
Mugia anjeun ningali kamakmuran Yérusalém sapanjang hirup anjeun.
6 Mugia anjeun gé ningali anak incu anjeun.
Mugia aya katengtreman di Israél.
