Jabur 54:1-7
-
Doa ménta tulung waktu aya di antara musuh-musuh
-
”Allah téh panulung abdi” (4)
-
Keur pamingpin musik: Pikeun diiring ku alat musik nu maké senar. Maskil.* Jabur karangan Daud, waktu urang Zif ngalapor ka Saul, ”Daud téh keur nyumput di daérah urang.”
54 Nun Allah, salametkeun abdi ku nami Gusti,Sarta béla abdi* ku kakuatan Gusti.
2 Nun Allah, dangukeun doa abdi.
Perhatikeun kekecapan nu kaluar tina biwir abdi.
3 Sabab urang asing ngalawan abdi,Sarta jalma-jalma nu kejem ngincer nyawa abdi.
Maranéhna teu sieun ka Allah.* (Sela)
4 Allah téh panulung abdi.
Yéhuwa nyarengan jalma-jalma nu ngadukung abdi.
5 Anjeunna bakal ngabales musuh-musuh abdi ku kajahatanana sorangan.
Mugia maranéhna dibinasakeun* ku Gusti, sabab Gusti téh satia.
6 Abdi bakal iklas nyanggakeun korban keur Gusti.
Nun Yéhuwa, abdi bakal muji nami Gusti nu hadé.
7 Sabab Gusti nyalametkeun abdi tina unggal kasusah.
Abdi gé bakal nyaksian musuh-musuh abdi diéléhkeun.
Catetan Tambihan
^ Tingali Daptar Istilah.
^ Atawa ”béla kasus abdi”.
^ Atawa ”Maranéhna teu nganggap Allah aya di hareupeun maranéhna”.
^ As. ”dibungkem”.
