Kumekuwa na mvua kubwa katika jimbo la Rio Grande do Sul kusini mwa Brazili kuanzia Aprili 28, 2024. Mvua hiyo yenye kuendelea imesababisha mafuriko katika maeneo mengi. Yameharibu barabara, madaraja na umeme katika maeneo mengi na imefanya iwe vigumu kuondoka. Inakadiriwa kwamba zaidi ya watu milioni 2.1 wameathiriwa na mafuriko hayo. Kufikia sasa, inaripotiwa kwamba watu 125 hawajulikani walipo na watu 147 hivi wamepoteza uhai.

• Kwa kusikitisha, ndugu 1 na dada 1, ambao ni wenzi wa ndoa wenye umri mkubwa walikufa

• Ndugu na dada 1,544 wamelazimika kuhama makao yao

• Nyumba 2 ziliharibiwa

• nyumba 155 zilipata uhabirifu mkubwa

• nyumba 483 zilipata uharibifu mdogo

• Majumba ya Ufalme 3 yalipata uharibifu mkubwa

• Majumba ya Ufalme 10 yalipata uharibifu mdogo

• Halmashauri ya Kutoa Msaada ilianzishwa ili kusimamia kazi ya kutoa msaada. Washiriki wa halmashauri hiyo walisafiri kwenda kwenye maeneo yaliyoathiriwa ili kutoa misaada na kuwatia moyo

• Waangalizi wa mzunguko wanashirikiana na wazee wa makutaniko wa maeneo hayo ili kuandaa msaada wa kiroho na wa kimwili

• Mashahidi walio katika sehemu ambazo hazijaathiriwa za nchi hiyo wanawakaribisha ndugu na dada zao waliolazimika kuhama makao yao

Kadiri mafuriko na uharibifu unapoendelea, tunasali kwamba Yehova aendelee kuwa ‘ngome wakati huu wa taabu’ kwa ndugu na dada zetu nchini Brazili.​—Zab. 37:39.