Yeremia 45:1-5
-
Ujumbe wa Yehova kwa Baruku (1-5)
45 Hili ndilo neno ambalo nabii Yeremia alimwambia Baruku+ mwana wa Neria alipoandika katika kitabu maneno haya aliyoambiwa na Yeremia+ katika mwaka wa nne wa utawala wa Yehoyakimu+ mwana wa Yosia, mfalme wa Yuda:
2 “Yehova Mungu wa Israeli anasema hivi kukuhusu wewe, Baruku,
3 ‘Umesema: “Ole wangu, kwa maana Yehova ameongeza huzuni kwenye maumivu yangu! Nimechoka kwa sababu ya kulia kwa maumivu, nami sijapata mahali pa kupumzika.”’
4 “Mwambie, ‘Yehova anasema hivi: “Tazama! Kile ambacho nimekijenga ninakibomoa, na kile nilichokipanda ninaking’oa—nchi yote.+
5 Lakini unajitafutia* mambo makuu. Acha kuyatafuta mambo hayo.”’
“‘Kwa maana, niko karibu kuleta msiba dhidi ya wote wenye mwili,’*+ asema Yehova, ‘na popote utakapoenda, nitakupa uhai wako* kuwa nyara.’”*+
Maelezo ya Chini
^ Au “unatarajia.”
^ Au “watu wote.”
^ Au “nafsi yako.”
^ Au “nitaacha uponyoke na uhai wako.”
