Zaburi 19:1-14
Kwa kiongozi. Muziki wa Daudi.
19 Mbingu zinatangaza utukufu wa Mungu;+Na anga lililo juu linatangaza kazi ya mikono yake.+
2 Siku baada ya siku zinabubujisha maneno yake,Na usiku baada ya usiku zinafunua ujuzi.
3 Hakuna usemi, wala hakuna maneno;Sauti zake hazisikiki.
4 Lakini sauti zake zimefika* katika dunia yote,Na ujumbe wake umefika mpaka kwenye miisho ya dunia inayokaliwa.+
Amepiga hema mbinguni kwa ajili ya jua;
5 Ni kama bwana harusi anayetoka katika chumba chake;Linashangilia kama mwanamume hodari anayekimbia kwenye njia yake.
6 Linachomoza kutoka mwisho mmoja wa mbingu,Nalo huzunguka mpaka mwisho mwingine;+Na hakuna chochote kinachojificha joto lake.
7 Sheria ya Yehova ni kamilifu,+ hurudisha nguvu.*+
Kikumbusho cha Yehova kinategemeka,+ humfanya asiye na uzoefu awe na hekima.+
8 Maagizo kutoka kwa Yehova ni ya uadilifu, huufanya moyo ushangilie;+Amri ya Yehova ni safi, huyafanya macho yang’ae.+
9 Kumwogopa Yehova ni jambo safi,+ hudumu milele.
Hukumu za Yehova ni za kweli; zote ni za uadilifu.+
10 Zinatamanika kuliko dhahabu,Kuliko dhahabu nyingi bora,*+Na tamu zaidi kuliko asali,+ asali inayodondoka kutoka katika sega.
11 Mtumishi wako ameonywa kupitia hizo;+Anapozishika anapata thawabu kubwa.+
12 Ni nani anayeweza kutambua makosa?+
Nitangaze kuwa sina hatia ya dhambi nisizojua.
13 Na unizuie mimi mtumishi wako nisitende matendo ya kimbelembele;+Usiruhusu yanitawale.+
Ndipo nitakapokuwa kamili,+Na sitakuwa na hatia ya dhambi zilizo wazi.*
14 Maneno ya kinywa changu na kutafakari kwa moyo wanguNa yakupendeze wewe,+ Ee Yehova, Mwamba wangu+ na Mkombozi wangu.+
Maelezo ya Chini
^ Au labda, “kamba yake ya kupimia imefika.”
^ Au “huirudisha nafsi.”
^ Au “iliyosafishwa.”
^ Au “dhambi nyingi.”
