Biblia Ina Kile Unachohitaji!

▪ Wenzi wa ndoa wanaozungumza Kifaransa ambao ni Mashahidi wa Yehova waliingia kwenye jengo moja la makazi katika jiji la Ajaccio kwenye kisiwa cha Mediterania cha Corsica. Waliokota bahasha ambayo haikuwa na jina iliyokuwa na euro 400. Mashahidi hao wanaeleza hatua waliyochukua: “Tulibandika tangazo kwenye ubao wa matangazo ulio kwenye eneo la mapokezi la jengo hilo, kwamba yeyote aliyepoteza bahasha hiyo atupigie simu.”

Jioni iliyofuata mwanamke mmoja alipiga simu. Baada ya kuthibitisha kwamba yeye ndiye aliyepoteza pesa hizo, alipanga kukutana na wenzi hao wa ndoa. Akiwa ameshangaa kwamba mtu anaweza kurudisha pesa zake, aliwasili akiwa na shada la maua. Bahasha aliyopoteza ilikuwa na mshahara wake, na siku iliyofuata alikuwa akienda likizo ya mwezi mzima.

Alipokuwa likizoni, aliwatumia wenzi hao kadi ya kuwashukuru tena kwa tendo lao la fadhili. Mwanamke huyo aliporudi kutoka likizo, Mashahidi hao walimtembelea na kumwambia jinsi Biblia inavyoweza kuwasaidia watu katika familia na katika maisha ya kila siku, mambo ambayo mwanamke huyo alipendezwa sana nayo.

Wakitumia kitabu Biblia Inafundisha Nini Hasa? wenzi hao walitumia nafasi hiyo kuzungumzia mambo machache katika sura yenye kichwa “Jinsi ya Kufanya Maisha ya Familia Yako Yawe Yenye Furaha.” Mwanamke huyo alifurahi sana na akasema hivi: “Biblia ina kila kitu ninachohitaji!” Kisha akakubali kujifunza Biblia bila malipo.

Zaidi ya kuzungumza kuhusu maisha ya familia, kitabu Biblia Inafundisha kinazungumzia pia ukweli kumhusu Mungu na Yesu Kristo, na pia wafu wako wapi, kwa nini Mungu anawaacha watu wateseke, na habari nyingine nyingi zinazowahangaisha watu. Unaweza kuomba kitabu hicho kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa chini.

□ Ningependa kujifunza Biblia nyumbani kwangu bila malipo.