Je, Unataka Kuwa Rafiki ya Mungu?

● Ungejibuje swali hilo? Msichana mmoja katika eneo la mbali la jimbo la Guerrero, Mexico, alisema kwamba haiwezekani. Wasichana wawili ambao ni Mashahidi wa Yehova walikuwa wakimwonyesha broshua Wewe Unaweza Kuwa Rafiki ya Mungu! katika lugha yake ya mama. Alishangaa kwamba broshua hiyo inapatikana katika lugha ya Tlapanec, kwa kuwa hakuwa ameona vichapo vingine katika lugha yake isipokuwa vile vilivyochapishwa na serikali.

Wasichana hao wawili walimweleza kwamba kwa kuwa alipata broshua hiyo basi huo ni uthibitisho kwamba Muumba wake anampenda. Sababu ni kwamba broshua hiyo ingemsaidia kumjua Muumba huyo. Alianza kusoma somo la kwanza lenye kichwa “Mungu Anataka Uwe Rafiki Yake.” Alipomaliza, alisema hivi: “Ninataka kuwa rafiki ya Mungu. Mnaweza kuniletea Biblia?” Mashahidi hao walipomletea Biblia, mama ya msichana huyo aliwaomba wakae kwa muda mrefu zaidi ili wawafundishe mengi zaidi.

Tlapanec ni moja tu kati ya lugha 17 za Wenyeji wa Asili wa Amerika nchini Mexico ambazo broshua Wewe Unaweza Kuwa Rafiki ya Mungu! imechapishwa. Ulimwenguni pote, broshua hiyo inapatikana katika lugha 278 (kutia ndani maandishi ya vipofu). Unaweza kuomba broshua hiyo kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea broshua iliyoonyeshwa hapa chini.

□ Ningependa kujifunza Biblia nyumbani kwangu bila malipo.