Mshiriki wa kikosi cha kushughulikia mazingira akipima kiwango cha asidi kwenye maji kutoka kwenye dimbwi la kupunguza mafuriko lililo karibu na mwingilio mkuu. Ukaguzi huo unahakikisha kwamba hatua zinazochukuliwa kudhibiti vitu vinavyochafua maji zinafanya kazi.

Dada akizoezwa kuweka mbao zisizoathiriwa na hali zinazobadilika za hewa. Pamoja na vitu vinavyotumiwa kuzuia hewa, joto, au baridi kuathiri nyaya, na matofali madogo, mbao hizo zinafanyiza ukuta wa nje wa makazi.

Mashine inayotumiwa kukandamiza barabara kabla ya kumwaga lami. Sehemu hii ya barabara kando ya Jengo la Kusini la Uzalishaji inazunguka eneo lote la ofisi.

Picha ya angani kutoka upande wa kaskazini mashariki. Kreni iliyo hapo mbele iko kwenye eneo la mapokezi la jengo la ofisi. Upande wa kulia ni sakafu iliyotayarishwa ya Jengo la Ofisi, na upande wa kushoto ni msingi wa jikoni, chumba cha kulia chakula, na ukumbi. Sehemu ya wageni kutazama imehamishwa ili waweze kuona ujenzi vizuri.

Mihimili ya paa ikiingizwa katika sehemu zake, ni sehemu ya jikoni, chumba cha kulia chakula, na ukumbi wa jengo la ofisi.

Mshiriki wa kikosi cha kushughulikia mazingira akiangalia jinsi uchimbuaji unavyofanywa karibu na mti usiopaswa kuharibiwa. Wachimbuaji wanazuia madhara kwa kuweka vizuizi kandokando ya mizizi ya mti huo. Miti fulani inahifadhiwa kwa eneo lenye mizizi kuzungushiwa ua na ujenzi hauruhusiwi katika maeneo hayo.

Mfanyakazi akipanda maua kandokando ya njia ya mguu. Vijiti vitasaidia maua kubaki kwenye sehemu zilizopandwa huku mizizi ikikua.

Mpaka-rangi akiweka namba ya utambulisho kwenye mbao ya kurembesha itakayowekwa kwenye gorofa ya tatu. Mwezi uliofuata, wajenzi walianza kuhamia kwenye Makazi D.

Wanakandarasi wakishusha ngazi za saruji kwenye sehemu yake.

Washiriki wa kikosi cha kutengeneza kuta zinazotokana na chokaa ngumu wakiunganisha fremu ya ukuta kwenye dari. Upande wa kulia ni kifaa cha kuinua kinachotumiwa na kikosi cha mfumo wa HVAC wanapoweka viyoyozi.

Washiriki wa kikosi cha mfumo wa maji wakiweka vitu vya kushikilia mabomba chini ya eneo la mapokezi la jengo la ofisi.

Wafanyakazi wakichimba mifereji kati ya Jengo la Kaskazini la Uzalishaji na Jengo la Kusini la Uzalishaji.

Wanakandarasi wakiweka sehemu ya mwisho ya varanda nje ya chumba cha kulia chakula. Sehemu ya chini inaelekea kwenye Makazi A.

Boriti za chuma zinawekwa. Jengo hili litakuwa na karakana na ofisi.

Picha ya angani kutoka upande wa kaskazini magharibi. Upande wa kati kulia, fremu ya chuma ya Jengo la Kusini la Uzalishaji imekamilika na ukuta umeanza kujazwa. Upande wa mbele, kazi imeanza katika Jengo la Kaskazini la Uzalishaji, na sehemu ya chini yenye lami imewekwa. Upande wa kati kushoto kuja jengo la ofisi, na jengo la makazi pia linaonekana nyuma.

Picha ya angani kutoka upande wa mashariki wakati wa mapambazuko. Upande wa mbele, Makazi D, E, na F yamekamilika. Makazi C yamepangwa kukamilika mwezi wa Oktoba.

Wakitumia mawe ya chokaa, wafanyakazi wanajenga ukuta kando ya kidimbwi. Eneo hili litakuwa mwingilio wenye kuvutia wa jengo la ofisi, linaloonekana nyuma kupitia miti.

Maseremala wakiweka vifaa vya HVAC na vya umeme kwenye dari ya ofisi. Ofisi hii inatumiwa kusaidia kazi mbalimbali kufanywa kwa utaratibu unaofaa.

Kuta za Jengo la Ofisi zimeanza kusimamishwa. Kutumia mabamba ya kuta yaliyotayarishwa mapema kunasaidia kuharakisha kazi ya ujenzi, hivi kwamba kufikia mwishoni mwa Agosti, Jengo la Ofisi litakuwa na kuta zake zote. Madirisha makubwa yanaruhusu mwanga mwingi iwezekanavyo ndani ya ofisi. Madirisha yametengenezwa kwa njia ya kwamba hayaruhusu mwanga mkali wa jua katika majira ya baridi kali wala joto linalotokana na jua katika majira ya kiangazi.

Wafanyakazi wakijitayarisha kufunika chuma za paa juu ya chumba cha kulia chakula na ukumbi. Kuta hizo zitapunguza kiasi cha sauti wakati ambapo maeneo yote mawili yanatumika wakati uleule.