Wafanyakazi wakishusha mti aina ya mwaloni na maple katika eneo linalopandwa miti. Zaidi ya miti 1,400 imepandwa kwenye eneo la ujenzi la Warwick.

Wafanyakazi wa Warwick wakiwa kwenye Mlo wa Jioni wa Bwana. Jumla ya watu 384 walihudhuria tukio hilo ambalo hufanywa kila mwaka na Mashahidi wa Yehova duniani pote.

Seremala wakiweka madirisha kwenye nyumba iliyo kwenye lango. Wafanyakazi watakaokuwa hapo langoni watakaribisha wageni, watatoa ulinzi, na kuongoza magari yanayoingia na kutoka kwenye eneo.

Baba na mwana wake wanakifanya kazi pamoja kutandaza mazulia kwenye kijia katika ghorofa ya pili. Vipande vya zulia vinawekwa hasa kwenye maeneo yanayotumiwa na watu wengi, kwa kuwa ni rahisi kubadili kipande kilichoharibika cha zulia kuliko kubadili zulia lote.

Seremala wakigawanya ofisi kwa vifaa vinavyoweza kuhamishika. Kugawanya ofisi kwa njia hiyo kunaruhusu idara mbalimbali zibadili ukubwa wa ofisi ikihitajika kufanya hivyo.

Mfanyakazi akitayarisha eneo ili ligawanywe na kuwekwa vyoo. Eneo hili lililoko karibu na mapokezi litakuwa na vyoo kwa ajili ya wageni.

Wakiwa katika mazoezi, Wafanyakazi wa Idara ya Huduma ya Dharura wajitayarisha kuzima moto. Kwa kujitayarisha kukabiliana na hali kama hizo, wazima-moto hawa wataweza kuokoa wafanyakazi na majengo ya Warwick, na pia kupunguza kazi inayofanywa na makampuni ya huduma za dharura katika eneo hilo.

Mhudumu akiwasaidia wafanyakazi wa Warwick waliokusanyika kwenye chumba cha kulia chakula kupata mahali pa kuketi muda mfupi kabla ya kuanza kwa programu ya Ibada ya Asubuhi iliyounganishwa kwa mara ya kwanza katika eneo hilo.

Seremala akitumia kifaa kinachotoa mwangaza kuweka moja kati ya ishara zaidi ya 2,500 ambayo itawaelekeza wenyeji na wageni.

Fundi akiweka vishikilio vya kwenye ngazi zinazotoka eneo la mapokezi mpaka kwenye ukumbi. Blanketi la kuzuia moto ambalo linaonekana kwenye picha linatumika kulinda maeneo ambayo ujenzi umekamilika ili yasiharibike.

Mfanyakazi wa Idara ya Ukuta na Paa akikamilisha ujenzi wa ukuta katika eneo la “Imani Yenye Matendo,” ambalo ni moja kati ya maeneo matatu ya maonyesho yatakayotembelewa na wageni bila kuongozwa na mtu mwingine. Muundo wa maeneo hayo ya maonyesho unakazia kichwa cha kila onyesho.

Wafanyakazi wakinyunyiza kemikali ya kushindilia zege. Hatua hii ya kushindilia husaidia kufunika kabisa sakafu na hivyo kuifanya idumu, iweze kuzuia vumbi na alama za magurudumu na kufanya iwe rahisi kuidumisha.

Mafundi seremala wakiweka paa linaloangaza juu ya njia ya kuingia eneo la mapokezi. Paa hilo linalopenyeza nuru litapitisha mwanga hafifu kwenye njia hiyo kuu ya kuelekea mapokezi.

Mume na mke wake wakiweka vigae kwenye eneo la mwingilio wa maonyesho ya wageni yenye kichwa “Biblia na Jina la Mungu.”

Seremala akiweka moja kati ya viti 1,018 kwenye ukumbi. Ukumbi huu utatumiwa kwa ajili ya Funzo la Mnara wa Mlinzi na programu nyingine za kiroho za familia ya Betheli.

Kwenye eneo la mapokezi, seremala, mafundi umeme, na wafanyakazi wengine wakiweka ishara iliyopambwa kwa taa ya kuwakaribisha wageni.

Washiriki wawili wa kikundi cha Wasaidizi wa Ujenzi wakiweka maji kwenye eneo la mapokezi kwa ajili ya wafanyakazi. Wafanyakazi wa ujenzi walikumbushwa kwa ukawaida kunywa maji mara kwa mara hasa wakati wa majira ya joto.

Seremala akimalizia ujenzi wa vifaa vitakavyotumiwa kuhifadhi Biblia adimu katika eneo la maonyesho yenye kichwa “Biblia na Jina la Mungu.” Eneo hilo la maonyesho litatia ndani picha zinazozunguka zinazoonyesha Biblia nyingine na vitu vingine vya kale vinavyohusiana na Biblia.

Seremala akisaidiwa na picha inayoonyeshwa kwa kutumia projekta anabandika kipande kinachowakilisha nchi ya Australia na visiwa vya Kusini-Mashariki mwa Asia kwenye ramani katika eneo la mapokezi. Jina Mashahidi wa Yehova limeandikwa kwenye ukuta huo katika lugha 700 hivi.

Washiriki wa familia ya Betheli wakiwa kwenye kipindi cha kujifunza mambo ya msingi. Vipindi hivi vimeandaliwa kwa ajili ya kuwakaribisha, kuwafunza, na kuwaonya Wanabetheli wa watakaoishi Warwick kuhusu hatari za kiusalama ambazo bado zipo kwenye eneo hilo la ujenzi.

Wafanyakazi wakiweka kifaa cha kutoa mwanga pamoja na vifaa vya kukitegemeza juu ya dawati la msemaji wa JW Broadcasting. Vifaa vingi vya studio vilihamishwa kutoka kwenye studio ya zamani ya Brooklyn.

Fundi wa umeme akiweka ishara mpya iliyopambwa na taa (LED) kwenye eneo la lango kuu la kuingia. Kufikia Septemba 1, idara nyingi za makao makuu ya ulimwenguni pote zilikuwa zikifanya kazi Warwick.