Ya Kwanza ya Petro 2:1-25
2 Basi muache ubaya wote+ na udanganyifu na unafiki na wivu na kusemana mubaya.
2 Kama watoto wadogo wenye wametoka kuzaliwa,+ mukomalishe tamaa kwa ajili ya maziwa yenye hayachanganywe na kitu* ya lile neno, ili kupitia hayo mukomae kufikia wokovu,+
3 kwa sababu mumeonja na kuona kwamba Bwana ni mwenye fazili.
4 Wakati munakuja kwake, jiwe lenye uzima lenye lilikataliwa na wanadamu+ lakini lenye lilichaguliwa, lenye samani kwa Mungu,+
5 ninyi wenyewe pia kama majiwe yenye uzima munajengwa kuwa nyumba ya kiroho+ kusudi mukuwe ukuhani mutakatifu, ili kutoa zabihu za kiroho+ zenye kukubalika kwa Mungu kupitia Yesu Kristo.+
6 Kwa maana Andiko linasema: “Angalia! Ninaweka katika Sayuni jiwe lenye lilichaguliwa, jiwe la musingi la pembe lenye samani, na mutu yeyote mwenye anaonyesha imani katika jiwe hilo hatakata tamaa* hata kidogo.”+
7 Kwa hiyo, yeye ni mwenye samani kwenu, kwa sababu ninyi ni waamini; lakini kwa wale wenye hawaamini, “jiwe lenye wajenzi walikataa+ ndilo limekuwa jiwe kubwa la pembe,”*+
8 na “jiwe la kukwaza na mwamba wa kuangusha.”+ Wanajikwaa kwa sababu hawatii lile neno. Huo ndio mwisho wenye unawangojea.
9 Lakini ninyi ni “jamii yenye ilichaguliwa, ukuhani wa kifalme, taifa takatifu,+ watu wenye wanapaswa kuwa mali ya pekee,+ ili mutangaze kotekote sifa za muzuri zaidi”*+ za Ule mwenye aliwaita kutoka katika giza kuingia katika mwangaza wake wa ajabu.+
10 Kwa maana wakati fulani ninyi hamukukuwa watu, lakini sasa ninyi ni watu wa Mungu;+ wakati fulani hamukukuwa mumeonyeshwa rehema, lakini sasa mumepokea rehema.+
11 Wapendwa, ninawaomba ninyi kama wageni na wakaaji wa muda+ kwamba muendelee kujiepusha na tamaa za mwili,+ zenye zinapigana vita na ninyi.*+
12 Muendelee kuwa na mwenendo muzuri kati ya mataifa,+ ili wakati wanawashitaki kuwa watenda-zambi, washuhudie kwa macho yao matendo yenu ya muzuri,+ na hivyo, wamutukuze Mungu katika siku ya uchunguzi wake.
13 Kwa ajili ya Bwana, mujitiishe kwa kila kitu chenye kilifanywa na mwanadamu,*+ ikuwe ni kwa mufalme+ akiwa mukubwa
14 ao kwa magavana wakiwa wametumwa naye ili kutoa azabu kwa watenda-maovu lakini kusifu wale wenye wanatenda mema.+
15 Kwa maana ni mapenzi ya Mungu kwamba kwa kutenda mema munyamazishe* maneno ya kijinga ya watu wenye hawana akili.+
16 Mukuwe kama watu huru,+ mukitumia uhuru wenu, hapana kama kifuniko* cha kufanya mabaya,+ lakini kama watumwa wa Mungu.+
17 Muheshimie watu wa namna zote,+ mupende ushirika muzima wa ndugu,*+ mumuogope Mungu,+ mumuheshimie mufalme.+
18 Watumishi wajitiishe kwa mabwana wao kwa woga wote wenye kufaa,+ haiko tu kwa wale wenye kuwa wema na wenye usawaziko, lakini pia kwa wale wenye ni nguvu kupendeza.
19 Kwa maana ni jambo lenye kupendeza wakati mutu anavumilia magumu* na kuteseka kwa njia yenye haiko ya haki kwa sababu ya zamiri kwa Mungu.+
20 Kwa maana kuko faida gani kama wakati munapigwa kwa sababu ya kufanya zambi na munavumilia jambo hilo?+ Lakini kama munavumilia mateso kwa sababu ya kufanya mema, jambo hilo linamupendeza Mungu.+
21 Kwa kweli, muliitwa kwenye njia hii, kwa sababu hata Kristo aliteseka kwa ajili yenu,+ akiwaachia ninyi mufano ili mufuate hatua zake kwa ukaribu.+
22 Yeye hakufanya zambi,+ na udanganyifu haukupatikana katika kinywa chake.+
23 Wakati alikuwa anatukanwa,+ hakujibu kwa matukano.+ Wakati alikuwa anateseka,+ hakuogopesha watu, lakini alijitia katika mikono ya Ule mwenye anahukumu+ kwa haki.
24 Yeye mwenyewe alibeba zambi zetu+ katika mwili wake mwenyewe juu ya muti,+ ili tukufe kuhusiana* na zambi na tuishi kuhusiana na haki. Na “kwa vidonda vyake muliponyeshwa.”+
25 Kwa maana mulikuwa kama kondoo wenye kupotea njia,+ lakini sasa mumerudia kwa muchungaji+ na mwangalizi wa nafsi zenu.*
Maelezo ya Chini
^ Ao “safi.”
^ Tnn., “hatapatishwa haya.”
^ Tnn., “kichwa cha pembe.”
^ Tnn., “tabia za muzuri,” ni kusema, sifa na matendo yake yenye kustahili kusifiwa.
^ Ao “na nafsi.”
^ Ao “kila shirika la kibinadamu.”
^ Tnn., “mufunge vinywa.”
^ Ao “kisingizio.”
^ Tnn., “undugu.”
^ Ao “huzuni; maumivu.”
^ Ao “tuachane.”
^ Ao “uzima wenu.”
