Kwa Waroma 3:1-31
3 Basi, Muyahudi anapita watu wengine na nini, ao ni nini faida ya kutahiriwa?
2 Anawapita sana katika kila njia. Kwanza kabisa, wao walipewa maneno matakatifu ya Mungu.+
3 Basi, hali iko namna gani? Kama wengine walikosa imani, je, ukosefu wao wa imani utafanya uaminifu wa Mungu ukuwe bure?
4 Hapana kabisa! Lakini Mungu aonekane kuwa wa kweli,+ hata kama kila mwanadamu anaonekana kuwa muongo,+ kama vile imeandikwa: “Ili uonekane kuwa mwenye haki katika maneno yako na upate ushindi wakati unahukumiwa.”+
5 Lakini, kama ukosefu wetu wa haki unaonyesha wazi haki ya Mungu, tuseme nini? Je, Mungu anakosa haki wakati anaonyesha kasirani yake kali? (Ninasema katika maneno ya wanadamu.)
6 Hapana! Kama ni vile, Mungu atahukumu ulimwengu namna gani?+
7 Lakini kama kupitia uongo wangu kweli ya Mungu imeonyeshwa wazi zaidi kwa utukufu wake, sababu gani mimi pia ninahukumiwa kuwa mutenda-zambi?
8 Na sababu gani tusiseme, kama vile watu fulani wanaeleza kwa uongo kama tunasema, “Tufanye mambo ya mubaya ili mambo ya muzuri yakuje”? Hukumu juu ya watu hao inapatana na haki.+
9 Basi tuseme nini? Je, sisi tuko katika hali ya muzuri zaidi? Hapana kabisa! Kwa maana pale juu tumetoa shitaka kama Wayahudi na vilevile Wagiriki wote wako chini ya zambi;+
10 kama vile imeandikwa: “Hakuna mwenye haki, hakuna hata mumoja;+
11 hakuna hata mumoja mwenye kuwa na ufahamu; hakuna hata mumoja mwenye anamutafuta Mungu.
12 Watu wote wameenda pembeni, wote wamekuwa wenye hawana mafaa yoyote; hakuna hata mumoja mwenye anaonyesha fazili, hakuna hata mumoja.”+
13 “Koo yao ni kaburi lenye kuwa wazi, wamedanganya kwa ulimi wao.”+ “Sumu ya nyoka iko nyuma ya midomo yao.”+
14 “Na kinywa chao kimejaa kulaani na uchungu.”+
15 “Miguu yao inaenda haraka ili kumwanga damu.”+
16 “Uharibifu na taabu viko katika njia zao,
17 na hawakujua njia ya amani.”+
18 “Hakuna kumuogopa Mungu mbele ya macho yao.”+
19 Sasa tunajua kwamba mambo yote yenye Sheria inasema, inaambia wale wenye kuwa chini ya Sheria, ili kila kinywa kinyamazishwe na ulimwengu wote ustahili azabu mbele ya Mungu.+
20 Kwa hiyo hakuna mutu mwenye atatangazwa mbele yake kuwa mwenye* haki kupitia matendo ya sheria,+ kwa maana kupitia sheria tunapata ujuzi wenye hauna makosa* kuhusu zambi.+
21 Lakini sasa haki ya Mungu imefunuliwa bila sheria,+ kama vile Sheria na Manabii vinatoa ushahidi,+
22 ndiyo, haki ya Mungu kupitia imani katika Yesu Kristo, kwa wote wenye kuwa na imani. Kwa maana hakuna tofauti.+
23 Kwa maana wote wamefanya zambi na kupungukiwa na utukufu wa Mungu,+
24 na ni zawadi ya bure+ kwamba wanatangazwa kuwa wenye haki kwa fazili zake zenye hazistahiliwe+ kupitia kuachiliwa huru kwa njia ya bei ya ukombozi yenye Kristo Yesu alilipa.+
25 Mungu alimutoa kuwa toleo la kufunika zambi*+ kupitia imani katika damu yake.+ Ilikuwa vile ili kuonyesha haki yake mwenyewe, kwa sababu Mungu kwa uvumilivu wake alikuwa anasamehe zambi zenye zilifanywa wakati wenye ulipita.
26 Ilikuwa vile ili kuonyesha haki yake mwenyewe+ katika kipindi hiki, ili akuwe mwenye haki hata wakati anatangaza mutu mwenye kuwa na imani katika Yesu kuwa mwenye haki.+
27 Basi, je, tuko na sababu ya kujisifu? Hatuna sababu. Kupitia sheria gani? Ile ya matendo?+ Hapana kabisa, lakini kupitia sheria ya imani.
28 Kwa maana tunaona kwamba mutu anatangazwa kuwa mwenye haki kwa imani hapana kupitia matendo ya sheria.+
29 Ao je, yeye ni Mungu wa Wayahudi peke yao?+ Je, yeye haiko Mungu wa watu wa mataifa pia?+ Ndiyo, ni wa watu wa mataifa pia.+
30 Kwa kuwa Mungu ni mumoja,+ atatangaza watu wenye kutahiriwa kuwa wenye haki+ kutokana na imani na watu wenye hawatahiriwe kuwa wenye haki+ kupitia imani yao.
31 Basi, je, tunafuta sheria kupitia imani yetu? Hapana kabisa! Tofauti na hilo, tunaunga mukono sheria.+
Maelezo ya Chini
^ Tnn., “mwili wenye utatangazwa mbele yake kuwa wenye.”
^ Ao “sahihi.”
^ Ao “la upatanisho.”
