Yoshua 14:1-15
14 Basi haya ndiyo maeneo yenye Waisraeli walikamata kuwa uriti katika inchi ya Kanaani, yenye Eleazari kuhani na Yoshua mwana wa Nuni na vichwa vya jamaa za upande wa baba za makabila ya Israeli walipatia Waisraeli kuwa uriti.+
2 Uriti wao ulikuwa kwa kura,+ kama vile Yehova alikuwa ameamuru kupitia Musa kwa ajili ya yale makabila kenda (9) na nusu.+
3 Musa alikuwa amepatia makabila mbili na nusu uriti ngambo ingine* ya Yordani,+ lakini hakupatia Walawi uriti kati yao.+
4 Wazao wa Yosefu walihesabiwa kuwa makabila mbili,+ Manase na Efraimu;+ na hawakupatia Walawi fungu katika inchi, isipokuwa miji+ ya kuishi ndani na malisho yake kwa ajili ya mifugo yao na mali zao.+
5 Basi, Waisraeli waligawanya inchi kama vile Yehova alikuwa amemuamuru Musa.
6 Kisha watu wa kabila la Yuda wakaenda kwa Yoshua kule Gilgali,+ na Kalebu+ mwana wa Yefune Mukenizi akamuambia: “Unajua muzuri maneno yenye Yehova alimuambia+ Musa mutumishi wa Mungu wa kweli+ juu yangu na juu yako kule Kadesh-barnea.+
7 Nilikuwa na miaka makumi ine (40) wakati Musa mutumishi wa Yehova alinituma kutoka Kadesh-barnea kuenda kupeleleza inchi,+ na nilimuletea habari ya kweli.*+
8 Hata kama ndugu zangu wenye walienda pamoja na mimi walivunja watu moyo,* mimi nilimufuata Yehova Mungu wangu kwa moyo wote.*+
9 Siku hiyo, Musa aliapa kwa kusema: ‘Inchi yenye muguu wako umekanyanga itakuwa uriti wa kudumu kwa ajili yako na wana wako, kwa sababu umemufuata Yehova Mungu wangu kwa moyo wote.’+
10 Basi kama vile aliahidi,+ Yehova ameacha niishi+ kwa miaka hii makumi ine na tano (45) tangu wakati Yehova alimupatia Musa ahadi hiyo wakati Israeli walitembea katika jangwa;+ ningali muzima, niko na miaka makumi munane na tano (85) leo.
11 Na sasa ningali na nguvu kama vile wakati Musa alinituma. Ningali na nguvu za kupigana vita na kufanya kazi zingine kama wakati huo.
12 Basi, unipatie eneo hili lenye milima lenye Yehova aliahidi siku hiyo. Hata kama ulisikia siku hiyo kwamba kuko Waanaki+ wenye kuishi kule katika miji mikubwa yenye ngome,+ kwa kweli* Yehova atakuwa pamoja na mimi,+ na nitawafukuza,* kama vile Yehova aliahidi.”+
13 Basi Yoshua akamubariki Kalebu mwana wa Yefune na kumupatia Hebroni kuwa uriti wake.+
14 Ndiyo sababu eneo la Hebroni limekuwa uriti wa Kalebu mwana wa Yefune Mukenizi mupaka leo, kwa sababu alimufuata Yehova Mungu wa Israeli kwa moyo wote.+
15 Zamani Hebroni iliitwa Kiriat-arba+ (Arba alikuwa mutu wa maana sana kati ya Waanaki). Na inchi ikapata pumuziko na haikukuwa na vita.+
Maelezo ya Chini
^ Ni kusema, upande wa mashariki.
^ Tnn., “neno kama vile tu lilikuwa katika moyo wangu.”
^ Tnn., “walifanya moyo wa watu uyeyuke.”
^ Tnn., “kwa ukamili; kabisa.”
^ Ao “nitakamata inchi yenu.”
^ Ao “inaonekana kwamba.”
