LABDA Panama inajulikana kwa sababu ya mufereji wake, ni kusema, njia ya maji ambayo inaunganisha Bahari ya Atlantiki na Bahari ya Pasifiki. Lakini kwa sababu Panama inaunganisha Amerika ya Kaskazini na Amerika ya Kusini, inchi hiyo inaunganisha pia watu. Ni inchi yenye kuwa na watu wa rangi na desturi mbalimbali. Hesabu kubwa ya watu ni muchanganyiko wa watu wa asili ya Panama na wazungu wa zamani wa Ulaya.

Katika mwaka wa 1501, wakati wachunguzi ao wagunduzi walifika huko Panama, walikuta makabila mbalimbali ya watu wa asili ya Panama, makabila fulani kati ya makabila hayo yangali mupaka leo. Moja la makabila hayo ni Waguna (zamani waliitwa Wakuna). Waguna wengine wanaishi katika sehemu ya asili ya San Blas Archipelago na katika eneo la pembeni ya Bahari ya Pasifiki lililo karibu na mupaka wa Panama na  Kolombia. Katika eneo hilo, Waguna wanawinda, wanavua samaki katika mitumbwi, na wanalima chakula chao wenyewe.

Katika kabila la Waguna, mwanaume akioa, anaenda kuishi katika jamaa ya bibi yake na kuwafanyia kazi. Ikiwa baadaye bibi yake anazaa mutoto mwanamuke, yeye na familia yake wanaweza kutoka katika familia ya wakwe wake na kuenda kuishi mahali ambapo wao wenyewe wanataka.

Kuna karibu makutaniko 300 ya Mashahidi wa Yehova huko Panama. Zaidi ya Kihispania, mikutano inafanywa pia katika luga ya Kichina, Kiingereza, Kigujarati, Kiguna, Kikrioli cha Haiti, Kingabere, na Luga ya Ishara ya Panama.