“Kwenye masomo ya musingi, sikukubaliwa na watoto wengine, na hilo liliniumiza moyoni. Kwa hiyo, nilipoanza masomo ya sekondari, nilibadilisha namna nilivyoonekana na namna nilivyoona mambo, na sikubadilika kwa njia nzuri. Nilihitaji sana marafiki na hilo likafanya nishindwe na vishawishi vya vijana wenzangu, ili tu wanipende.”​—Jennifer, aliye na miaka 16. *

Unapambana na vishawishi vya vijana wenzako? Ikiwa ndiyo, habari hii itakusaidia kuvishinda.

Vishawishi vya vijana wengine vinaweza kufanya watu wazuri wafanye mambo mabaya.

‘Mashirika mabaya yanaharibu tabia nzuri.’​—1 Wakorintho 15:33.

“Ni kama vile unajua kwamba jambo fulani ni mbaya, lakini unapopambana na vishawishi vya vijana wenzako, unafanya jambo hilo kwa sababu tu unataka kuwapendeza!”​—Dana.

Vishawishi havitokane tu na vijana wenzako.

‘Ninapotaka kufanya yaliyo sawa, yaliyo mabaya yapo pamoja na mimi.’​—Waroma 7:21.

“Vishawishi vingi vinatokana mara nyingi na mimi mwenyewe; kwa kweli, ni mimi ninatamani mambo ambayo vijana wenzangu wanazungumuzia na mambo hayo yanaonekana kuwa yenye kuvutia.”​—Diana.

Kushinda vishawishi vya vijana wenzako ni jambo unaloweza kujivunia.

‘Iweni na zamiri njema.’​—1 Petro 3:16.

“Wakati fulani, ilikuwa vigumu kwangu kushinda vishawishi vya vijana wenzangu, lakini sasa siogope tena kuwa tofauti na nina musimamo katika maamuzi yangu. Hakuna kitu kinachoshinda kulala usiku ukiwa na zamiri safi.”​—Carla.

Unaposhawishiwa na vijana wenzako kufanya mambo mabaya, jaribu kufanya hivi:

Fikiria matokeo. Ujiulize, ‘Itakuwa namna gani ikiwa ninashindwa na vishawishi vya wenzangu na kisha nifanye jambo mbaya? Wazazi wangu watawaza nini juu yangu? Nitajiona kuwa mutu wa namna gani?’​—Kanuni ya Biblia: Wagalatia 6:7.

“Wazazi wangu wananiuliza maulizo kama vile, ‘Ikiwa unajiacha ushindwe na vishawishi vya vijana wenzako, ni jambo gani linaweza kukupata?’ Wananisaidia kuona namna kujiacha nishindwe na vishawishi hivyo kunaweza kuniletea matokeo mabaya wakati unaokuja.”​—Olivia.

Uwe hakika na mambo unayoamini. Ujiulize, ‘Sababu gani ninaamini kwamba kufanya hivi kuna matokeo mabaya, kwangu na kwa wengine?’​—Kanuni ya Biblia: Waebrania 5:14.

“Nilipokuwa mudogo, nilikuwa ninasema tu hapana ao kutoa jibu fupi, lakini sasa ninaweza kueleza vizuri sababu gani nitafanya ao sitafanya jambo fulani. Nina musimamo katika mambo ninayoamini kuhusu mema na mabaya. Ni mimi mwenyewe ninayetoa jibu​—si mutu mwengine anayejibia pa nafasi yangu.”​—Anita.

Fikiria sifa yako. Ujiulize, ‘Ninapenda kuwa mutu wa namna gani?’ Kisha fikiria vishawishi unavyopambana navyo na ujiulize, ‘Mutu wa namna hiyo anaweza kufanya nini katika hali hii?’​—Kanuni ya Biblia: 2 Wakorintho 13:5.

“Ninapendezwa na namna nilivyo, kwa hiyo sihangaikie mambo ambayo wengine wanawaza juu yangu. Na tena, watu wengi wanapenda kuwa na mutu kama mimi asiyejifanya namna haiko.”​—Alicia.

Fikiria wakati unaokuja. Ikiwa wewe ni mwanafunzi, ujue kuwa katika miaka michache ao hata miezi, hautakuwa na watu ambao unajaribu kufurahisha.

“Niliangalia picha niliyokamata na wanafunzi wengine kwenye masomo, na sikukumbuka hata majina ya wanafunzi fulani. Lakini nilipokuwa kwenye masomo pamoja nao, maoni yao yalikuwa ya maana sana kwangu kuliko kushikamana na mambo ninayoamini. Huo ulikuwa upumbavu kabisa!”​—Dawn, aliye sasa na miaka 22.

Ujitayarishe. Biblia inasema hivi: ‘Mujue jinsi munavyopaswa kumujibu kila mutu.’​—Wakolosai 4:6.

“Wazazi wangu wananisaidia mimi na dada yangu mudogo kufikiria hali zinazoweza kutokea, na kisha tunafanya mazoezi ili hali inayofanana na hizo ikitokea, tujue yale tunayoweza kufanya.”​—Christine.