WATU wenye kuvumbula vitu vya zamani walivumbula mu Babiloni ya zamani mamilioni ya matofali yenye kuchomwa yenye ilitumiwa ili kujenga ule muji. Robert Koldewey, mumoja kati ya wale wenye walikuwa navumbula vitu vya zamani, anasema hivi: Ile matofali ilikuwa nachomwa mu tanuru ya moto yenye ilikuwa “inje ya muji, kwenye kulikuwa udongo muzuri na miti . . . mingi.”

Watu wenye kuvumbula vitu vya zamani walipata ushuhuda wenye kuonyesha kama Maofisa wa serikali ya Babiloni walitumia pia tanuru ya moto ili kufanya jambo fulani ya mubaya sana. Paul-Alain Beaulieu, mwalimu wa Assyriologie ku Université ya Toronto, anasema hivi: “Maandishi ya Wababiloni ilionyesha kama mufalme alikuwa natoa amri ya kutupa mu tanuru ya moto wale wote wenye walikatala kumutii ao kukatala kuheshimia mambo matakatifu.” Kwa mufano, moya kati ya maandishi ya wakati wa Mufalme Nebukadneza, inasema hivi: “Muwaharibu, muwalunguze, muwachome, . . . mu tanuru ya moto ya kupikia . . . mufanye moshi wao upande, muwaue kwa kuwatupa mu moto.”

Ile inakumbusha wasomaji wa Biblia mambo yenye kuzungumuziwa mu Danieli sura ya 3. Ile andiko inasema kama Mufalme Nebukadneza alitengeneza sanamu kubwa ya zahabu mu eneo tambarare ya Dura, inje ya muji wa Babiloni. Wakati vijana watatu Waebrania, ni kusema, Shadraki, Meshaki, na Abednego walikatala kuabudu ile sanamu, Nebukadneza alikasirika sana na akatoa amri kama tanuru iwashwe moto “mara saba kuliko kawaida yake,” na wale wanaume watatu ‘watupwe katika tanuru yenye kuwaka moto.’ Malaika moya mwenye nguvu aliwaokoa.—Da. 3:1-6, 19-28.

Matofali yenyewe ya Wababiloni inahakikisha kama Biblia ni ya kweli. Mingi kati ya ile matofali iko na maandishi ya kumusifu mufalme. Moya kati ya ile maandishi inasema hivi: “Nebukadneza, Mufalme wa Babiloni . . . Nyumba ya kifalme, yenye miye Mufame Mukubwa nilijenga . . . Napenda wazao wangu watawale mule milele.” Ile maandishi inafanana kabisa na maneno yenye kuwa mu Danieli 4:30, mwenye Nebukadneza iko najisifu kwa kusema hivi: “Je, hii haiko Babiloni Mukubwa muji wenye mimi mwenyewe nimejenga kwa ajili ya nyumba ya kifalme kwa nguvu na uwezo wangu mwenyewe na kwa ajili ya utukufu wa ukubwa wangu?”