Maulizo Juu ya Habari za Biblia Yanajibiwa
Mungu ni mutu wa aina gani?
Mungu ni mutu wa roho asiyeonekana. Aliumba mbingu, dunia, na vitu vyote vilivyo na uzima. Mungu hakuumbwa na hana mwanzo. (Zaburi 90:2) Mungu anapenda watu wamutafute na wajue kweli juu yake.—Soma Matendo 17:24-27.
Mungu ni mutu na tunaweza kujua jina lake. Tunaweza kutambua sifa zake fulani kwa kutazama vitu ambavyo aliumba. (Waroma 1:20) Lakini ili kujua Mungu vizuri, ni lazima tujifunze Biblia, Neno lake. Biblia inatujulisha sifa nzuri za Mungu.—Soma Zaburi 103:7-10.
Mungu anajisikia namna gani anapoona ukosefu wa haki?
Yehova, Muumbaji wetu, anachukia ukosefu wa haki. (Kumbukumbu la Torati 25:16) Aliwaumba wanadamu kwa mufano wake. Ndiyo sababu watu wengi kati yetu wanachukia ukosefu wa haki. Ukosefu wa haki ambao tunaona kila mahali hauletwe na Mungu. Mungu aliwapatia watu uhuru wa kuchagua. Jambo la kuhuzunisha ni kwamba watu wengi wanatumia vibaya uhuru wao na wanafanya matendo ya ukosefu wa haki. Yehova anaumia moyoni mwake.—Soma Mwanzo 6:5, 6; Kumbukumbu la Torati 32:4, 5.
Yehova anapenda haki, na hataacha ukosefu wa haki uendelee milele. (Zaburi 37:28, 29) Biblia inaahidi kwamba hivi karibuni Mungu atamaliza ukosefu wote wa haki.—Soma 2 Petro 3:7-9, 13.
Biblia inaahidi kwamba Mungu ataleta haki duniani pote
Ona pia...
MUNARA WA MULINZI
Tunaweza Kabisa Kumupata Mungu?
Mambo yenye hatuwezi kuelewa juu ya Mungu yanaweza kabisa kukusaidia umujue muzuri.
MAFUNDISHO YA MUSINGI YA BIBLIA
Sababu Gani Mungu Anaacha Mateso?
Watu wengi wanajiuliza sababu gani dunia inajaa sana chuki na mateso. Biblia inatoa jibu lenye kuwa wazi na lenye kutia moyo.
