Maulizo Juu ya Habari za Biblia Yanajibiwa
Kifo cha Yesu kinatuletea faida gani?
Wakati Mungu aliumba wanadamu, alikusudia waishi milele duniani bila kuteseka na magonjwa wala kifo. Lakini, Adamu, mutu wa kwanza, hakumutii Muumbaji wake na akapoteza tumaini la kuishi milele. Kwa sababu sisi ni wazao wa Adamu, tuliriti kifo kutoka kwake. (Waroma 5:8, 12; 6:23) Yehova, Mungu wa kweli, alimutuma Mwana wake, Yesu, duniani akufe na kulipia mambo ambayo Adamu alipoteza.—Soma Yohana 3:16.
Yesu alikufa ili kuwezesha wanadamu wapate uzima wa milele. Unawaza uzima usiokuwa na mwisho duniani utakuwa namna gani?
Kifo cha Yesu kinatuwezesha kupata musamaha wa zambi zetu na uzima wa milele. Biblia inatuelezea namna uzima utakuwa duniani wakati hatutateseka tena na uzee, magonjwa, na kifo.—Soma Isaya 25:8; 33:24; Ufunuo 21:4, 5.
Namna gani tunapaswa kukumbuka kifo cha Yesu?
Magaribi iliyotangulia kifo chake, Yesu aliwaambia wafuasi wake wakumbuke kifo chake kupitia sherehe isiyo na mambo mengi. Kukumbuka kifo cha Yesu kwa njia hiyo kila mwaka kunatuwezesha kufikiria namna Yesu na Yehova wanapenda wanadamu sana.—Soma Luka 22:19, 20; 1 Yohana 4:9, 10.
Mwaka huu, Ukumbusho wa kifo cha Yesu utafanywa Siku ya Kwanza, tarehe 14 Mwezi wa 4, kisha jua kushuka. Unaalikwa kuja kukusanyika siku hiyo pamoja na Mashahidi wa Yehova wa eneo lenu.—Soma Waroma 1:11, 12.
Ona pia...
MAJIBU YA MAULIZO JUU YA BIBLIA
Sababu Gani Yesu Alikufa?
Namna gani kwa kweli, kifo cha Yesu kinatulea faida?
MAJIBU YA MAULIZO JUU YA BIBLIA
Yesu Anatuokoa Namna Gani?
Juu ya nini tuko na lazima Yesu atutetee? Kama tu unaamini Yesu ni kusema utaokolewa?
