“Kila kitu utataka, uniambie tu na nitakufanyia.” Unaweza kusita kumuambia mutu mwenye haujue maneno hayo ao mutu unayejua kijuujuu tu. Lakini, labda hauwezi kushindwa kumuambia rafiki yako wa sana maneno hayo. Marafiki wa sana wanafanyiana mambo bila kulazimishwa.

Biblia inaonyesha kama mara kwa mara Yehova anafanyia waabudu wake mambo yenye anajua kuwa yatawafurahisha. Kwa mufano, Mufalme Daudi, aliyekuwa rafiki wa sana wa Mungu, alisema hivi: “Wewe mwenyewe umefanya mambo mengi, Ee Yehova Mungu wangu, naam, kazi zako za ajabu na mawazo yako kutuelekea. . . . Zimekuwa nyingi sana kuliko vile ninavyoweza kusimulia.” (Zaburi 40:5) Tena, Yehova anafanyia hata watu wasiomujua mambo mazuri, ‘akijaza mioyo yao kikamili kwa chakula na uchangamufu.’—Matendo 14:17.

Kwa kuwa Yehova anapenda kuwafanyia wengine mambo yenye kuwafurahisha, ni jambo lenye kufaa kutazamia kuwa wale wanaotaka kuwa marafiki wa Mungu wangefanya mambo yenye kufanya ‘moyo wake ushangilie.’ (Methali 27:11) Lakini unapaswa kufanya nini kabisa ili kumupendeza Mungu? Biblia inajibia hivi: ‘Musisahau kutenda mema na kushiriki vitu pamoja na wengine, kwa maana Mungu anapendezwa vema na zabihu za namna hiyo.’ (Waebrania 13:16) Hilo linamaanisha kuwa kufanyia watu wengine mambo mazuri na kuwatolea vitu ndiyo tu mambo ya lazima ili kumupendeza Yehova?

Biblia inasema hivi: ‘Bila imani haiwezekane kamwe [hata kidogo] kumupendeza vema.’ (Waebrania 11:6) Jambo la maana ni hili: Abrahamu ‘aliitwa rafiki ya Yehova’ kisha ‘kuwa na imani katika Yehova.’ (Yakobo 2:23) Yesu Kristo pia alikazia ulazima wa ‘kuwa na imani katika Mungu’ ikiwa tunapenda kupata baraka zake. (Yohana 14:1) Kwa hiyo, namna gani unaweza kuwa na imani yenye Mungu anaomba marafiki wake? Unaweza kuanza kwa kujifunza Neno la Mungu Biblia kwa ukawaida. Kwa kufanya hivyo, utapata “ujuzi sahihi [wa kwelikweli] wa mapenzi yake” na utajifunza namna ya ‘kumupendeza kikamili [kabisa].’ Kwa hiyo, unapoendelea kuongeza ujuzi wako juu ya Yehova na kutumikisha mambo unayojifunza juu ya kanuni zake za haki, imani yako kwake itakomaa na atakuwa rafiki yako wa sana.—Wakolosai 1:9, 10.