Mu dunia yote, serikali mingi zimeomba watu wasikaribiane na zimekataza watu wakutane pamoja katika kikundi cha watu wengi. Mashahidi wa Yehova wameazimia kutii serikali, lakini pia wanaendelea kukusanyika pamoja bila kujitia mu hatari. Ili kufanya vile, makutaniko iko inatumia programu ya vidéoconférence, kama vile Zoom, juu ya kufanya mikutano.

 Ili ndugu wafanye mikutano kwa ukawaida, Baraza Lenye Kuongoza limekubali michango itumiwe ili kuuzia makutaniko konte ya Zoom. Ile imesaidia sana makutaniko fulani yenye haina uwezo wa kulipia konte ya vidéoconférence, yenye iko na bei ya dola 15 mupaka dola 20, ao zaidi. Zile makutaniko zilizoea kutumia programu za bila kulipa zenye haziruhusu watu wengi wajiunge, na zenye haziruhusu mikutano ifanyike muzuri. Makutaniko yote yenye inatumia konte ya Zoom ya tengenezo inapata faida. Ndugu na dada wanaitumia bila shida yoyote na watu wengi wanaweza kujiunga ku kila mukutano. Leo, zaidi ya makutaniko 65 000 ya inchi zaidi ya 170 zinatumia zile konte.

 Kutaniko la Kairagi katika Manado, Sulawesi ya Kaskazini, Indonesia, iliacha kutumia programu ya vidéoconférence ya bila kulipa, na ikaanza kutumia konte ya Zoom ya tengenezo. Ndugu Hadi Santoso anasema hivi: “Hata ndugu na dada wenye hawazoee kutumia vyombo vya kielectroniki, sasa wanafurahia mikutano. Hawana tena lazima ya kujiunga kila mara wakati wa mukutano.”

 Lester Jijón, Junior, muzee wa kutaniko la Guayacanes Oeste, katika Guayaquil, Équateur, anasema hivi: “Kwa sababu ndugu na dada wengi wako na feza kidogo, ingekuwa nguvu kwa makutaniko fulani kulipia programu ya Zoom yenye itasaidia ndugu wa kutaniko lote wajiunge ili kukusanyika pamoja. Sasa, kwa musaada wa tengenezo tuko na konte ya Zoom yenye inasaidia watu wengi zaidi wajiunge ili kukusanyika. Kwa hiyo, tunaweza kualika watu wengi zaidi bila kuogopa kama tutapitisha hesabu ya watu.”

 Johnson Mwanza, muzee wa kutaniko la Ngwerere North katika Lusaka, Zambia, anaandika hivi: “Ndugu na dada wengi wamesema tena na tena hivi: ‘Mupango wa kutumikisha Zoom ya tengenezo umetusaidia tujisikie kuwa karibu na ndugu na dada zetu, lakini pia umefanya tujisikie kuwa Yehova anatupenda na kutuhangaikia.’”

 Ili kununua zile konte, tengenezo linatumia feza kati ya feza zenye zimewekwa kwa ajili ya misaada wakati wa misiba. Zile feza zinatoka mu michango ya kujipendea yenye watu wanatoa kwa ajili ya kazi ya mu dunia yote. Michango mingi inatolewa kupitia donate.mr1310.com. Aksanti kwa michango yenye munatoa kwa ukarimu, yenye inatumiwa pia ili kutoa misaada wakati wa misiba mu dunia yote.​—2 Wakorinto 8:14.