Video za mikusanyiko ya eneo zinagusa mioyo yetu na zinatusaidia tuelewe muzuri zaidi mafundisho ya Biblia. Mukusanyiko wa Eneo wa 2020 “Mufurahi Sikuzote”! uko na video 114, kutia ndani hotuba 43 zenye zilitolewa na ndugu wa Baraza Lenye Kuongoza na wasaidizi wao. Ulishakafikiria kazi yenye inafanywa ili kutayarisha zile video na feza zenye zinatumiwa?

 Ndugu na dada karibu 900 wa mu dunia yote walitumia wakati wao na ufundi wao ili kusaidia kutayarisha ile programu ya mukusanyiko. Ili kumaliza ile kazi yote, walitumia saa 100 000 hivi, na wakafanya zaidi ya miaka mbili. Kati ya zile saa zote, walitumia saa 70 000 ili kutayarisha drama yenye kutegemea Biblia ya dakika 76 yenye kichwa Nehemia: “Shangwe ya Yehova Ni Ngome Yenu.”

 Bila shaka, iliomba feza mingi ili kuhangaikia ndugu na dada wenye walijitolea na ili kuwapatia kila kitu chenye walikuwa nacho lazima kama vile vyombo fulani vya kazi na fasi ya kutumikia.

 Jared Gossman, mwenye anatumika ku biro ya Audio/Video anasema hivi: “Halmashauri ya Ufundishaji ya Baraza Lenye Kuongoza inapenda sana kutumia ndugu na dada wa desturi mbalimbali na wa fasi mbalimbali mu video zetu. Ile ni juu tuko familia ya ndugu na dada wa mu dunia yote, na tunapenda video zetu zionyeshe ile jambo. Ili kufikia ile kusudi, vikundi 24 vya mu inchi 11 vilitumika pamoja. Ili watu wa mu dunia yote watumike pamoja, inaomba feza mingi, kupanga kazi muzuri, na inaomba mutu wa kuongoza ile kazi.”

 Pia, ili kutayarisha video zetu mingi inaomba vyombo na mambo ingine ya pekee. Kwa mufano, ili kutayarisha drama Nehemia: “Shangwe ya Yehova Ni Ngome Yenu” iliomba kujenga sehemu mbalimbali zenye kuonyesha muji wa Yerusalemu ndani ya studio Mt. Ebo yenye kuwa karibu na Patterson, New York, Amerika. Ili kutumia michango muzuri na kutayarisha drama yenye itaonyesha muzuri namna mambo ilikuwa zamani, ndugu walitumia vyombo vya mwepesi ili kujenga kuta zenye zinafanana na kuta za Yerusalemu ya zamani. Walitumia mbao ili kujenga kila sehemu ya ukuta yenye kuwa na urefu wa metre sita, kisha zile sehemu zilifunikwa na sifongo (chiffon) zenye zilipakaliwa rangi juu zionekane kama zilijengwa na majiwe. Zile “kuta” zilitumiwa ili kuonyesha sehemu mbalimbali za drama, na ile ilifanya kusikuwe lazima ya kutumia vyombo vya mingi. Hata kama wale ndugu walifanya vile, walitumia karibu dola 100 000 ili kutengeneza vyombo vyenye vilitumiwa ili kutayarisha ile drama. *

 Kujua ile mambo yote kunafanya tukuwe wenye shukrani zaidi juu ya programu ya mukusanyiko wa eneo wa hii mwaka. Tuko hakika kama bidii yenye ilifanywa ili kutayarisha ile programu ya mukusanyiko itafanya watu wengi mu dunia wamusifu Yehova. Aksanti sana kwa michango yenu ya kujipendea, yenye munatoa kupitia donate.mr1310.com na kupitia njia zingine ili kuunga mukono kazi yenye inafanywa mu dunia yote.