BARUA YA BARAZA LENYE KUONGOZA

Kwa Ndugu na Dada Zetu Wapendwa:

Katika Munara wa Mulinzi, gazeti la watu wote la tarehe 1 Mwezi wa 1, 2008, mulikuwa habari ya kwanza ya habari​-mufululizo mupya yenye kuvutia na yenye kichwa “Tuige Imani Yao.” Tangu wakati huo, sisi ni wenye furaha sana, kwa sababu kisha kila miezi mitatu tunapokea habari fulani iliyotegemea kichwa hicho!

Je, wasomaji walifurahia habari hizo? Musomaji mumoja alipomaliza kusoma habari inayozungumuzia Martha, aliandika hivi: “Nilicheka kabisa niliposoma habari hiyo, kwa sababu nilijisikia kuwa tu kama Martha, mimi pia ninataka kila wakati kuwa mukaribishaji muzuri wa wageni na kuwa mwenye shuguli nyingi, lakini wakati fulani ninasahau kupumuzika na kufurahi pamoja na marafiki.” Binti mumoja mwenye umri wa miaka 15 alisema hivi kisha kusoma hadisi ya Esta: “Niliwaza juu yangu mwenyewe na nilifikiria namna mutu anaweza kuhangaikia sana mavazi na kila mutindo mupya unaotokea. Ni kweli kwamba tunapaswa kuvaa vizuri; lakini, hatupaswe kupitisha kiasi.” Binti huyo aliongeza tena hivi: “Kile Yehova anaangalia sana ni jinsi tulivyo ndani.” Na habari iliyozungumuzia mutume Petro ilimufanya dada mumoja afurahi sana, na alichochewa kusema hivi: “Nilizama kabisa katika habari hiyo nilipokuwa nikiisoma. Ni kama vile nilikuwa hapo! Nilitumia vitu kama vile macho yangu, na masikio yangu ili kuona na kusikia kile maandiko yalikuwa yanazungumuzia.”

Wasomaji hao na wengine wengi ambao wameandika ili kuonyesha kwamba wamefurahia habari hizo, wameonyesha wazi ukweli wa maneno ambayo mutume Paulo aliandika: “Mambo yote yaliyoandikwa zamani yaliandikwa ili kutufundisha sisi.” (Rom. 15:4) Ni kweli, Yehova ameandikisha mazungumuzo hayo katika Biblia ili kutufundisha mambo ya maana. Sisi wote, hata ikiwa tumo katika kweli kwa muda wa miaka mingi, tunaweza kujifunza kupitia mazungumuzo hayo.

Tunakutia moyo kusoma kitabu hiki bila kukawia. Ukitumie katika programe yako ya Ibada ya Familia, bila shaka utaona kwamba watoto wako watakipenda kabisa! Kutaniko litakapojifunza kitabu hiki wakati wa Funzo la Biblia la Kutaniko, usikose kuhuzuria hata funzo moja! Usikisome haraka​-haraka. Tumia akili yako, uwe kama mwenye kuona na kusikia, kugusa na kunusa mambo unayosoma. Ujisikie kama watu wanaozungumuziwa katika Biblia walivyojisikia. Unaposoma kwamba mutu fulani alitenda hivi katika hali fulani, linganisha na vile wewe ungetenda katika hali hiyo.

Sisi ni wenye furaha sana kufaidika na mawazo yaliyo katika kitabu hiki pamoja na wewe. Kitabu hiki na kiwe baraka kwako wewe na kwa familia yako. Tunawapenda sana na tunawatakia kila jambo njema,

Baraza Lenye kuongoza la Mashahidi wa Yehova