Ita-nia Kriadór halo arranju kaben nian kleur antes ema nia governu sira halo lei kona-ba kaben. Livru primeiru husi Bíblia fó-hatene ita: “Mane ida sei husik ninia inan-aman no nia sei hela hamutuk ho ninia feen, no sira sei sai isin ida deʼit.” (Génesis 2:24) Tuir disionáriu ida (Vine’s Expository Dictionary of Biblical Words), liafuan “feen” iha lian Ebraiku “refere ba ema ho seksu feto”. Jesus mós hanorin ida-neʼe hodi hatete katak sira neʼebé bele kaben mak “mane no feto”.—Mateus 19:4.

 Neʼe hatudu katak, Maromak hakarak relasaun kaben nian permanente entre mane ida no feto ida. Maromak kria mane no feto sira iha dalan neʼebé úniku atu sira bele ajuda malu. Hodi nuneʼe sira bele halo sira-nia kaben kontente iha dalan emosaun, seksuál no mós iha oan.