Galásia 5:1-26
5 Ita sai livre ona liuhusi Kristu atu nuneʼe ita bele haksolok ho liberdade neʼe. Neʼe duni, hamriik metin bá,+ no keta husik imi-nia an atu sai atan fali.+
2 Haʼu, Paulo, fó-hatene imi katak se imi hetan sirkunsizaun,* buat neʼebé Kristu halo ona sei la lori buat diʼak ba imi.+
3 Dala ida tan haʼu fó sasin ba mane hotu neʼebé hetan sirkunsizaun katak sira ida-idak iha obrigasaun atu halo tuir Ukun-Fuan tomak.+
4 Se imi koko atu halo imi-nia an sai ema laran-loos liuhusi ukun-fuan, imi haketak ona imi-nia an husi Kristu+ no husik ona ninia laran-diʼak neʼebé boot.
5 Kona-ba ita, ita hein namanas atu sai ema laran-loos iha Maromak nia oin liuhusi ninia espíritu no mós liuhusi ita-nia fiar.
6 Tanba ema sira neʼebé ida deʼit ho Kristu Jesus, maski sira hetan sirkunsizaun ka la hetan, neʼe la iha folin,+ maibé fiar neʼebé sira hatudu liuhusi domin mak iha folin.
7 Uluk imi halo tuir lia-loos ho didiʼak.*+ Entaun, sé mak hanetik imi atu kontinua halo tuir lia-loos?
8 Hanoin hanesan neʼe la mai husi Ida neʼebé bolu imi.
9 Fermentu uitoan deʼit halo masa tomak saʼe.+
10 Haʼu fiar katak imi neʼebé ida deʼit ho Naʼi+ sei iha hanoin neʼebé hanesan ho haʼu. Maibé kona-ba ema neʼebé hamosu problema+ ba imi, nia sei simu kastigu neʼebé nia merese.
11 Kona-ba haʼu, maun-alin sira, se haʼu haklaken nafatin kona-ba sirkunsizaun, tanbasá mak ema fó-terus nafatin ba haʼu? Se nuneʼe, ai-riin terus nian*+ la sai tan buat neʼebé halo ema sidi.
12 Haʼu hein katak mane sira neʼebé koko atu halo imi monu, sei halo aat liután ba sira-nia an rasik.*
13 Maun-alin sira, Maromak bolu ona imi atu sai livre. Keta uza liberdade neʼe nuʼudar oportunidade atu buka deʼit hakarak isin nian,+ maibé serbí malu nuʼudar atan liuhusi domin.+
14 Tanba Ukun-Fuan tomak kumpre* liuhusi mandamentu ida deʼit, neʼe mak: “Imi tenke hadomi imi-nia maluk hanesan imi-nia an rasik.”+
15 Maibé se imi kontinua hakanek malu no halo susar ba malu,+ kuidadu bá atu imi la halakon malu.+
16 Maibé haʼu dehan ba imi: Kontinua moris tuir Maromak nia espíritu+ hodi imi la halo tuir hakarak isin nian hotu.+
17 Tanba hakarak isin nian kontra hakarak espíritu nian, no espíritu kontra isin. Buat rua neʼe kontra malu, tan neʼe mak imi la halo buat neʼebé imi hakarak halo.+
18 Liután neʼe, se Maromak nia espíritu mak dirije imi, neʼe katak imi la iha ukun-fuan nia okos.
19 Ema bele haree ho momoos hahalok sira neʼebé husi isin, neʼe mak sala seksuál,*+ hahalok la moos, halo hahalok aat toʼo la sente moe,*+
20 adora estátua,* halo espiritizmu,*+ odi malu, istori malu, laran-moras ba malu, hirus toʼo la kontrola an, buka atu manán deʼit, haketak malu, forma grupu relijiaun* oioin,
21 laran-moras ba buat neʼebé ema seluk nian, lanu-teen,+ festa arbiru, no buat sira seluk neʼebé hanesan neʼe.+ Haʼu fó avizu nanis ba imi kona-ba buat sira-neʼe, hanesan haʼu fó avizu ona ba imi, katak sira neʼebé halo beibeik buat sira-neʼe sei la simu Maromak nia Ukun* nuʼudar liman-rohan.+
22 Maibé, hahalok* sira neʼebé mai husi Maromak nia espíritu mak domin, ksolok, dame, pasiénsia, laran-diʼak, hahalok diʼak,+ fiar,
23 laran-maus no kontrola an.+ La iha ukun-fuan ida mak kontra buat sira-neʼe.
24 Liután neʼe, sira neʼebé Kristu Jesus nian, sira prega ona sira-nia isin ba ai-riin hamutuk ho hakarak no hanoin isin nian.+
25 Se ita moris tuir Maromak nia espíritu, mai ita kontinua laʼo tuir espíritu ho didiʼak.+
26 Ita labele sai foti an,+ labele buka atu manán deʼit,+ no labele laran-moras ba malu.
Nota-rodapé
^ Orj., “Uluk imi halai ho didiʼak”.
^ Ka “sei kapa sira-nia an rasik; sai eunuku”, hodi nuneʼe sira labele kumpre ukun-fuan neʼebé sira rasik apoia.
^ Ka karik “bele habadak”.
^ Ka “hahalok matan-dook; uza ai-moruk ka droga”. Haree “Espiritizmu” iha Glosáriu.
^ Ka “seita”.
^ Ka “Reinu; Governu”.
^ Orj., “ai-fuan”.
