Isaias 53:1-12
53 Sé mak tau fiar ba buat neʼebé ami fó sai?*+
Jeová nia liman+ hatudu sai ona ba sé?+
2 Nia* sei moris hanesan ai-sanak lotuk+ iha ninia* oin, hanesan ai-abut neʼebé moris iha rai maran-dekor.
Nia la mai ho kmanek boot no la iha glória;+No bainhira ami haree nia, ami la haree buat espesiál ida neʼebé halo ami gosta nia.
3 Ema hakribi nia no hasees an husi nia,+Nia mak mane neʼebé hatene oinsá sente moras no komprende kona-ba moras.
Neʼe hanesan ninia oin subar husi ami.*
Ema hakribi nia, no ami haree nia nuʼudar ema neʼebé la iha folin.+
4 Tuir loloos nia rasik lori ami-nia moras,+No nia lori ami-nia terus no moras oioin.+
Maibé ami haree nia hanesan ema neʼebé hetan moras, hetan kastigu husi Maromak no hetan terus.
5 Maibé ema sona borus+ nia tanba ami-nia hahalok aat;+Nia hetan terus boot tanba ami-nia sala sira.+
Nia simu kastigu atu ami bele hetan dame,+No tanba ninia kanek sira mak ami hetan kura.+
6 Ami hotu laʼo-lemo hanesan bibi-malae,+Ema ida-idak laʼo iha ninia dalan rasik,No Jeová mak tau ami hotu nia sala iha mane neʼe nia leten.+
7 Ema hanehan nia+ no nia husik ema haterus nia,+Maibé nia lakohi loke ninia ibun.
Ema lori nia hanesan lori bibi-malae atu bá oho,+Hanesan bibi-malae inan neʼebé nonook bainhira ema koi ninia fulun,Nia la loke ninia ibun.+
8 Ema halakon ninia moris* tanba sira tesi-lia la tuir justisa;Sé mak sei hanoin didiʼak kona-ba ninia jerasaun?*
Tanba ema oho nia husi ema moris nia leet;+Tanba haʼu-nia povu sira-nia sala mak nia hetan baku.*+
9 Maski nia la halo sala ida*No lia-bosok ida la sai husi ninia ibun,+Maibé ema fó hakoi-fatin* ba nia iha ema aat sira-nia leet,+No bainhira nia mate, ema hakoi nia hamutuk ho ema riku.+
10 Maibé Jeová mak hakarak* atu nia hetan terus boot, no husik nia atu hetan moras.
Oh Maromak, se Ita entrega mane neʼe nia moris nuʼudar sakrifísiu taka sala nian,+Nia sei haree ninia bei-oan sira, no nia sei hanaruk ninia moris,+No liuhusi nia mak Jeová nia hakarak sei hetan susesu.*+
11 Tanba nia neon-susar, nia sei kontente ho buat neʼebé nia haree.
Liuhusi ninia koñesimentu mak haʼu-nia atan neʼebé laran-loos,+Sei ajuda ema barak atu sai ema loos,+No nia sei lori sira-nia sala.+
12 Tanba razaun neʼe mak haʼu sei fó nia parte ida hamutuk ho ema barak,No nia sei fahe sasán neʼebé hadau tiha husi inimigu ba asuwaʼin sira,Tanba nia fó ninia moris toʼo mate*+No ema haree nia hanesan deʼit ho ema aat sira;+Nia lori ema barak nia sala,+No tama iha klaran hodi ajuda ema sala-naʼin sira.+
Nota-rodapé
^ Ka karik “buat neʼebé ami rona ona”.
^ “Ninia” bele refere ba ema ruma neʼebé haree nia, ka Maromak.
^ Ka karik “Ema lakohi haree nia”.
^ Orj., “Ema lori tiha nia”.
^ Ka “kona-ba dalan neʼebé nia moris”.
^ Ka “mak nia mate”.
^ Ka “la halo violénsia”.
^ Ka “ema ida sei fó ninia rate”.
^ Ka “Jeová hetan kontente liuhusi nia”.
^ Ka “Jeová kontente”.
^ Orj., “nia fakar sai ninia moris toʼo mate”.
