Roma 12:1-21
12 Tan neʼe maun-alin sira, haʼu husu ba imi liuhusi Maromak nia laran-sadiʼa, atu imi fó imi-nia isin+ nuʼudar sakrifísiu neʼebé moris, santu+ no Maromak simu, katak halo serbisu sagradu ho imi-nia kbiit atu hanoin.+
2 Keta* halo tuir mundu ohin neʼe,* maibé troka imi-nia an hodi hafoun imi-nia hanoin,+ atu nuneʼe imi bele hatene loloos*+ kona-ba Maromak nia hakarak neʼebé diʼak no perfeitu no halo Maromak kontente.
3 Maromak hatudu laran-diʼak neʼebé boot mai haʼu, tan neʼe mak haʼu koʼalia ba ema hotu iha imi-nia leet atu la hanoin nia an diʼak liu fali buat neʼebé loos,+ maibé atu hanoin ho neon neʼebé loos tuir fiar neʼebé Maromak fó* ona ba imi ida-idak.+
4 Hanesan isin-lolon iha parte barak+ no parte ida-idak iha knaar neʼebé la hanesan,
5 entaun, maski ita barak, maibé ita isin-lolon ida deʼit ho Kristu, no ita mak parte ida-idak neʼebé liga malu.+
6 Entaun tanba Maromak nia laran-diʼak neʼebé boot mak nia fó ba ita kbiit* oioin+ atu halo serbisu espesiál. Se Maromak fó ita kbiit atu fó sai profesia, mai ita fó sai profesia neʼe tuir fiar neʼebé fó ona ba ita.
7 Se ita simu kbiit atu serbí ema seluk, mai ita serbí bá. Se ema ruma simu kbiit atu hanorin, husik nia hanorin bá.+
8 Se ema ruma simu kbiit atu fó aten-brani, husik nia fó aten-brani bá.+ Se ema ruma simu kbiit atu fó,* husik nia fó ho laran-luak.+ Se ema ruma simu kbiit atu dirije, husik nia dirije ho badinas.*+ Se ema ruma simu kbiit atu hatudu laran-sadiʼa, husik nia halo ida-neʼe ho laran-kontente.+
9 Imi-nia domin tenke ho laran-moos.*+ Hakribi buat neʼebé aat+ no kaer metin ba buat neʼebé diʼak.
10 Hadomi malu tebetebes hanesan maun-alin rasik. Buka uluk atu hatudu respeitu ba malu.+
11 Sai badinas bá,* keta sai baruk-teen.+ Sai laran-manas bá ho Maromak nia espíritu.+ Serbí nuʼudar atan ba Jeová.*+
12 Haksolok tanba imi-nia esperansa. Tahan terus.+ Keta kole atu halo orasaun.+
13 Fahe buat neʼebé imi iha ba ema santu* sira tuir sira-nia presiza.+ Haburas toman atu simu ema ho laran-diʼak.*+
14 Kontinua husu Maromak nia bensaun ba sira neʼebé haterus imi.+ Husu Maromak nia bensaun ba ema no keta fó-malisan ba ema.+
15 Haksolok ho sira neʼebé haksolok; tanis ho sira neʼebé tanis.
16 Haree ema seluk hanesan imi-nia an rasik. Keta haburas hanoin neʼebé foti an* maibé iha hanoin neʼebé haraik an.+ Keta sai matenek iha imi-nia matan rasik.+
17 Keta selu aat ho aat ba ema.+ Hanoin kona-ba buat neʼebé diʼak tuir ema hotu nia hanoin.*
18 Se bele karik, hakaʼas an atu moris iha dame ho ema hotu.+
19 Maluk doben sira, keta selu aat ba ema, maibé husik ida-neʼe ba Maromak nia hirus,+ tanba hakerek nanis ona: “Jeová* dehan: ‘Haʼu mak iha direitu atu selu fali; haʼu sei selu fali sira-nia hahalok aat.’”+
20 Maibé “se ó-nia inimigu hamlaha, fó-han ba nia; se nia hamrook, fó buat ruma ba nia atu hemu; tanba hodi halo nuneʼe, ó sei tau ahi-klaak iha ninia ulun leten”.*+
21 Keta husik buat aat manán imi, maibé kontinua halo buat diʼak hodi bele manán buat neʼebé aat.+
Nota-rodapé
^ Ka “Para ona”.
^ Ka “tuir sistema neʼe”. Haree “Sistema” iha Glosáriu.
^ Ka “atu imi rasik bele iha prova”.
^ Ka “sukat; fahe”.
^ Orj., “prezente”.
^ Ka “kontribui”.
^ Ka “ho laran”.
^ Ka “labele laran-makerek”.
^ Ka “Sai laran-manas bá”.
^ Haree “Ema santu” iha Glosáriu.
^ Ka “tau matan ba ema”.
^ Ka “hanoin neʼebé aas”.
^ Ka “iha ema hotu nia oin”.
^ Neʼe katak halo mamar ninia laran.
