Salmo 128:1-6
Knananuk bainhira saʼe ba sidade.
128 Ksolok ba ema hotu neʼebé hamtaʼuk Jeová,+Neʼebé laʼo iha Ninia dalan sira.+
2 Ó sei han ai-han neʼebé ó hetan husi ó-nia serbisu makaʼas.
Ó sei haksolok no moris diʼak.+
3 Iha ó-nia uma laran, ó-nia feen sei sai hanesan uvas-hun neʼebé fó fuan barak;+Ó-nia oan* sira neʼebé haleʼu ó-nia meza sei sai hanesan ai-oliveira oan.
4 Haree bá! Ema neʼebé hamtaʼuk JeováSei simu bensaun hanesan neʼe.+
5 Jeová sei haraik bensaun ba ó husi Siaun.
Haʼu hein katak durante ó-nia moris tomak ó sei haree Jeruzalein moris diʼak,+
6 No haree ó-nia bei-oan sira.
Haʼu hein katak Izraél iha dame.
Nota-rodapé
^ Orj., “oan-mane”.
