Salmo 2:1-12
2 Tanbasá mak nasaun sira sai hirus?No tanbasá mak povu sira halo planu* kona-ba buat neʼebé folin-laek?+
2 Liurai sira iha mundu sai prontu onaNo ukun-naʼin sira halibur hamutuk ho hanoin ida deʼit+Hodi kontra Jeová no kontra ema neʼebé nia hili ona.*+
3 Sira dehan: “Mai ita tesi kotu korrente neʼebé sira uza hodi kesi metin itaNo mai ita kore ita-nia an husi sira-nia tali!”
4 Maromak neʼebé tuur iha kadunan iha lalehan sei hamnasa;Jeová sei goza sira.
5 Iha tempu neʼebá nia sei koʼalia ba sira ho hirusNo nia sei halo sira taʼuk ho ninia hirus makaʼas,
6 Hodi dehan: “Haʼu hili ona haʼu-nia liurai no nia hahú ukun ona+Iha Siaun,+ haʼu-nia foho santu.”
7 Haʼu sei fó sai buat neʼebé Jeová deside ona;Nia hatete ba haʼu: “Ó mak haʼu-nia oan-mane;+Ohin haʼu sai ona ó-nia aman.+
8 Se ó husu ba haʼu, haʼu sei fó nasaun sira nuʼudar liman-rohan ba óNo fó rai tomak ba ó nuʼudar ó-nian.+
9 Ó sei harahun sira ho liurai nia ai-tonka besi,+No ó sei harahun sira hanesan sanan-rai ida.”+
10 Entaun agora, imi liurai sira, hatudu matenek bá;Imi juís sira iha mundu, simu korrije bá.*
11 Serbí Jeová hodi hamtaʼuk nia,No hatudu respeitu ba nia ho haksolok.
12 Hatudu respeitu ba* oan-mane neʼe,+ se lae Maromak* sei sai hirusNo imi sei lakon mohu tiha,+Tanba Nia bele sai hirus derrepente.
Ksolok ba ema hotu neʼebé buka protesaun husi Nia.
Nota-rodapé
^ Ka “koʼalia bisubisu”.
^ Ka “ninia Kristu”. Orj., “ida neʼebé nia fui mina ona”. Haree “Fui mina” iha Glosáriu.
^ Ka “rona avizu bá”.
^ Orj., “Reʼi”.
^ Orj., “nia”.
