Salmo 88:1-18
Knananuk ida. Kora nia oan-mane sira-nia salmo.+ Ba dirijente: Knananuk neʼe atu akompaña ho lian Maalat,* no atu kanta troka malu. Maskil* husi Zerá nia bei-oan Heman.+
88 Oh Jeová, Maromak neʼebé salva haʼu,+Haʼu halerik durante loron,No durante kalan haʼu mai iha Ita-nia oin.+
2 Haʼu harohan ba Ita,+Favór ida, see tilun* ba haʼu-nia halerik atu husu ajuda.+
3 Tanba haʼu-nia moris nakonu ho susar,+No haʼu-nia moris besik loos atu tama ba rate.*+
4 Haʼu hanesan deʼit ho sira neʼebé tun daudaun ba rate;*+Haʼu sai ona ema neʼebé kbiit-laek,+
5 Ita husik ona haʼu iha ema mate sira-nia leetHanesan mate-isin neʼebé latan iha rate ida,Neʼebé Ita la hanoin-hetan tanNo la tau matan ona.*
6 Ita tau haʼu iha rai-kuak neʼebé naruk tebes,Iha fatin nakukun, iha rai-kuak boot neʼebé kleʼan.
7 Ita-nia hirus todan tebes iha haʼu-nia leten,+No Ita-nia laloran neʼebé baku makaʼas halo haʼu mout. (Sela)
8 Ita halo ema neʼebé haʼu koñese hadook an husi haʼu;+Ita halo haʼu sai buat neʼebé sira hakribi.
Haʼu tama ona ba lasu no labele halai sai.
9 Haʼu-nia matan sai kole ona tanba haʼu-nia terus.+
Oh Jeová, haʼu bolu Ita loron tomak;+Haʼu loke haʼu-nia liman ba Ita.
10 Ita sei hatudu hahalok kmanek ba ema mate ka lae?
Ema neʼebé mate ona bele hamriik hodi hahiʼi Ita ka lae?+ (Sela)
11 Ema sei fó sai Ita-nia domin neʼebé laran-metin iha rate laran ka lae?No ema sei fó sai Ita-nia laran-metin iha fatin halakon nian* ka lae?
12 Iha nakukun laran ema sei hatene Ita-nia hahalok kmanek ka lae?Ema sei hatene Ita-nia hahalok loos iha rai ba ema sira neʼebé Ita haluha ona ka?+
13 Maibé haʼu nafatin halerik ba Ita atu husu ajuda, oh Jeová,+Dadeer-dadeer haʼu-nia orasaun toʼo iha Ita-nia oin.+
14 Oh Jeová, tanbasá mak Ita la simu haʼu?+
Tanbasá mak Ita subar Ita-nia oin husi haʼu?+
15 Husi haʼu-nia tempu joven kedas,Haʼu hetan terus no besik ona atu mate;+Ita husik susar oioin haterus haʼu toʼo haʼu la sente tan buat ida.
16 Ita-nia hirus lakan makaʼas hasoru haʼu;+Ita halo haʼu taʼuk hodi halakon haʼu.
17 Loron tomak terus oioin haleʼu haʼu hanesan bee;No ataka haʼu husi sorin-sorin.*
18 Ita halo haʼu-nia belun no kolega sira hadook an husi haʼu;+Nakukun deʼit mak hamaluk haʼu.
Nota-rodapé
^ Ka “Hakruʼuk no rona”.
^ Haree “Siol” iha Glosáriu.
^ Ka “rai-kuak”.
^ Orj., “haketak ona husi Ita-nia liman”.
^ Ka “iha Abadon”. Haree “Abadon” iha Glosáriu.
^ Ka karik “ataka haʼu dala ida deʼit”.
