Moris iha loron ikus sira mak nakonu ho susar. Nuʼudar mundu neʼe nia rohan besik daudaun, ita-nia moris sei sai susar liután. Karik ita sei falta buat barak. (Hab 3:16-18) Saida mak sei ajuda ita atu tahan hasoru susar ekonomia ho fiar metin? Ita tenke kontinua sadere ba ita-nia Maromak Jeová. Nia promete ona atu tau matan ba ninia atan sira, no nia bele sustenta ita iha situasaun naran deʼit.​—Sal 37:18, 19; Ebr 13:5, 6.

Saida mak Ita bele halo:

• Husu Jeová nia matadalan, matenek, no apoiu.​—Sal 62:8

• Sai prontu atu simu serbisu neʼebé ita seidauk halo.​—g-IN 1/10 p. 8-9, kaixa

• Mantein Ita-nia toman espirituál, inklui lee Maromak nia Liafuan loroloron, tuir reuniaun, no hola parte iha serbisu haklaken

HAREE VÍDEO HARII UMA NEʼEBÉ SEI TAHAN​—“HAKSOLOK BÁ HO BUAT NEʼEBÉ IMI IHA”, DEPOIS HATÁN BA PERGUNTA TUIRMAI:

• Susar saida deʼit mak família balu hasoru?

• Saida mak importante liu iha ita-nia moris?

• Oinsá mak ita bele ajuda ema neʼebé hasoru susar ekonomia?