KOMESA KONVERSA
LISAUN 5
Hatudu respeitu
Prinsípiu: “Sai prontu nafatin atu defende imi-nia esperansa . . . maibé halo ida-neʼe ho laran-maus no respeitu kleʼan.”—1 Ped 3:15.
Saida mak Paulo halo
1. Haree VÍDEO, ka lee Apóstolu 17:22, 23. Depois haree toʼok pergunta tuirmai:
-
Paulo sente oinsá bainhira nia haree adorasaun falsu neʼebé nakonu iha Atenas?—Haree Apóstolu 17:16.
-
Oinsá mak Paulo hatudu respeitu bainhira nia fahe liafuan diʼak ba ema Atenas?
Ita aprende saida husi Paulo?
2. Ema sei prontu atu rona ba ita se ita kuidadu ho saida, oinsá no bainhira mak ita koʼalia.
Halo tuir Paulo nia ezemplu
3. Hili didiʼak liafuan. Porezemplu, bainhira koʼalia ho ema ida neʼebé laʼós Kristaun, karik Ita presiza troka dalan neʼebé Ita koʼalia kona-ba Bíblia ka Jesus.
4. Keta korrije kedas ema. Fó tempu ba ema neʼe atu fó sai ninia hanoin. Se nia fó sai ideia neʼebé kontra Bíblia nia hanorin, keta diskute malu ho nia. (Tgo 1:19) Hodi rona ba ema neʼe, Ita sei hatene didiʼak kona-ba ninia fiar no tanbasá mak nia fiar ida-neʼe.—Prov 20:5.
5. Buka pontu neʼebé Ita bele konkorda no gaba ema. Karik ema neʼe fiar katak ninia relijiaun nia hanorin mak loos. Hili tópiku neʼebé Ita bele konkorda ho ema neʼe, no tuirmai ajuda nia neineik-neineik atu komprende Bíblia nia hanorin.
