Bainhira Jesus iha rai, nia hatudu domin boot ba ema. Nia mós prontu atu fó ninia moris ba ema tanba domin. (Mateus 20:28; João 15:13) Lakleur tan, Jesus sei hatudu ninia domin ba ema hodi uza ninia kbiit nuʼudar Liurai ba Maromak nia Ukun atu “hapara funu sira iha mundu tomak”.—Salmo 46:9.

 Haree toʼok saida mak Bíblia hatete kona-ba buat neʼebé Jesus sei halo:

•   “Nia sei salva ema kiak neʼebé halerik atu husu ajuda, no nia sei salva ema kiʼik no mós sira hotu neʼebé la iha ema atu ajuda sira. Nia sei hanoin ema kiʼik no ema kiak, no nia sei salva ema kiak nia moris. Nia sei salva sira husi ema neʼebé hanehan sira no husi violénsia.”—Salmo 72:12-14.

 Oinsá ita bele hatudu agradese ba buat neʼebé Jesus halo ona no lakleur tan sei halo ba ita? Iha Lucas 22:19, Jesus haruka ninia dixípulu sira atu hanoin-hetan ninia mate. Tan neʼe kada tinan, Testemuña ba Jeová halibur hamutuk iha Jesus nia loron mate. Ami konvida Ita atu asiste Memoriál ba Jesus nia mate iha loron-domingu, 24 Marsu 2024.

Hetan informasaun liután kona-ba Memoriál