Fire ty Tahinan’Andrianagnahare?
Vale’e ara-baiboly
Raike avao ty tahinan’Andrianagnahare. Soratse tihoe יהוה io amy ty rehake hebreo, le natao tihoe “Jehovah” amy ty rehake malagasy. a Hoe ty Andrianagnahare: “Izaho o Jehovah-o! Izay ty agnarako.” (Isaia 42:8) Miheregne im-7 000 o tahinagne iohoe tie amy Baiboly sinoratse tagnagne talohay. Sady maro zay naho oharegne amy ty rehake hafa irehafagne an’Andrianagnahare ndra agnara o ndaty hafa amy Baiboly ao. b
Misy agnaragne hafa itokavagne an’Andrianagnahare vao?
Rehafe ty Baiboly tie raike avao ty tahinan’Andrianagnahare. Faie ahatreavagne agnaram-boninahitse naho rehake maro irehafagne ty toetse’e ty amy Baiboly ao. Intoagne iaby ty ila’e amy izay:
Agnaram-boninahitse |
Andinin-teny |
Dika’e |
|---|---|---|
Allah |
(Tsy misy) |
Boake amy ty rehake arabo tihoe “Allah.” Faie tsy agnara o ndaty manokagne io fa agnaram-boninahitse midika tihoe “Andrianagnahare.” “Allah” areke ty irehafagne an’Andrianagnahare amy ty Baiboly amy ty rehake arabo naho amy ty firehake hafa. |
Fara’e Mahery |
Genesisy 17:1 |
Managne hery tsy hay toheregne reke. Trea im-pito amy Baiboly ao ty rehake hebreo tihoe ʼEl Shad·dai, midika tihoe “Andrianagnahare Fara’e Mahery.” |
Alfa naho Omega |
Apokalypsy 1:8; 21:6; 22:13 |
“Ty voaloha’e naho ty fara’e”, ndra “ty fiatomboha’e naho ty fifaragna’e”, midika tihoe tsy nisy Andrianagnahare Fara’e Mahery ty taloha i Jehovah, sady tsy hisy ka ty afara’e. (Isaia 43:10) Ty litera voaloha’e naho fara’e amy ty abodỳ grike tihoe alfa naho omega. |
I Fa Nisy Haehaey |
Daniela 7:9, 13, 22 |
Tsy nisy fiatomboha’e; fa nisy avao taloha ze kila raha finorogne.—Salamo 90:2. |
Mpamorogne |
Isaia 40:28 |
Nampisy ze kila raha. |
Rae |
Mpagnomey aigne. |
|
Andrianagnahare |
Genesisy 1:1 |
Ivavahagne; Mahery. Rehake mirehake maro ty rehake hebreo tihoe ʼElôhim ampiharegne amy i Jehovah, satria irehafagne ty fahambonea’e naho ty hasoa’e vaho ty maha magneva aze. |
Andrianagnahare ty andrianagnahare |
Deoteronomia 10:17 |
I Andrianagnahare fara tampo’ey, i tsy manahake o “andrianagnahare tsy misy dika’e” ivavaha ty ndaty ila’eo.—Isaia 2:8. |
Mpampianatse Bey Voninahitse |
Isaia 30:20, 21 |
Mpagnomey fampianaragne naho tari-dalagne mahasoa.—Isaia 48:17, 18. |
Bey Voninahitse Mpamboatse o ndatio |
Salamo 149:2 |
Nampisy ze kila raha.—Apokalypsy 4:11. |
Andrianagnahare falefale |
1 Timoty 1:11 |
Falefale naho sambatse.—Salamo 104:31. |
Mpijanjigne vavake |
Salamo 65:2 |
Mijanjigne ty vavake atao ze ndaty mino aze. |
Izaho Ro Ie |
Eksodosy 3:14, Fandikan-teny Protestanta |
Afake manao ze kila raha ilaegne mba hagnatanterahagne ty safiri’e. Nadika ka io tie: “Hatoroko fa Izaho i Magnatò ze Safirikoy.” (Dikan-drehake Tontolo Vaovao) Izay ty magnazava ty dika ty tahinagne manokagne tihoe Jehovah rehafe o andine’e magnarakeo.—Eksodosy 3:15. |
Saro-piaro |
Eksodosy 34:14, Fandikan-teny Protestanta |
Tsy mandefetse naho misy mandrafe aze. Nadika tihoe ka io tie “mitake ty hanompoagne aze raike avao.”—Dikan-drehake Tontolo Vaovao. |
Mpanjaka nainai’e |
Apokalypsy 15:3 |
Managne fahefagne fara tampo’e reke hatrake amy izay sady ho nainai’e. |
Tompo |
Salamo 135:5 |
Adôhn naho ʼAdônim amy ty rehake hebreo. |
Tompo ty maro |
Isaia 1:9 Fandikan-teny Protestanta, Romanina 9:29, Fandikan-teny Protestanta |
Mpifehe anjely maro. Azo adika tihoe “Jehovah Tompo ty tafike” ndra “Andrianagnahare ty tafike” i agnaram-boninahitse tihoe “Tompo ty maroy.”—Romanina 9:29, Dikan-drehake Tontolo Vaovao; Fandikan-teny Katolika. |
Fara’e Ambone |
Salamo 47:2 |
I fara tampo’ey. |
Fara’e Masigne |
Ohabolana 9:10 |
Masigne naho tena malio naho oharegne amy ze kila raha finorogne. |
Mpanefe |
Isaia 64:8 |
Managne fahefagne amy ty ndaty naho amo o firenenao manahake o mpanao o valagne taneo managne fahefagne amy i lietsey.—Romanina 9:20, 21. |
Mpagnavotse |
Isaia 41:14; Fandikan-teny Protestanta |
Nagnavotse o ndatio amy ty ota naho ty fate, naho fa nimei’e ho solovoigne ty Jesosy Kristy.—Jaona 3:16. |
Lamilamy |
Salamo 18:2, 46 |
Fitampinagne naho mpandrombake |
Mpandrombake |
Isaia 45:21 |
Mpagnafake amy ty loza ndra famonovonoagne. |
Mpiarake |
Salamo 23:1 |
Mikarakara ty mpanompo’e. |
Tompo Fara Tampo’e |
Genesisy 15:2 |
Managne fahefagne fara tampo’e; Adônai amy ty rehake hebreo. |
Fara Tampo’e |
Daniela 7:18, 27 |
Mpanjaka fara’e ambone. |
Agnaran-toeragne amy ty Soratse Hebreo
Misy ty tahinan’Andrianagnahare ty agnaran-toeragne ila’e amy Baiboly ao, faie tsy tihoe agnaragne hafa itokavagne an’Andrianagnahare rey.
Agnaran-toeragne |
Andinin-teny |
Ty dika’e |
|---|---|---|
Jehovah-jire |
Genesisy 22:13, 14 |
“Hagnomey ty Jehovah.” |
Jehovah-nisỳ |
Eksodosy 17:15 |
“Hatae Natsatoke Famantaragne ho Ahy i Jehovah” ndra “Tompo Fagnevako.” (Dikanteny Iombonana Eto Madagasikara) Afake miharine i Jehovah o ndatio, mba hahazoagne fiarovagne naho fagnampeagne.—Eksodosy 17:13-16. |
Jehovah-saloma |
Mpitsara 6:23, 24 |
“I Jehovah ro Fiadanagne.” |
Nagnino ro ilaegne ty mahafantatse naho mampiasa i tahinan’Andrianagnaharey?
Raha lahibey aman’Andrianagnahare ty tahina’e tihoe Jehovah, kanao io miherenkeregne agn’arivo’e amy Baiboly ao.—Malakia 1:11.
Nihazavae i Jesosy Anak’Andrianagnahare lognandro tie raha lahibey ty tahinan’Andrianagnahare. Nivavake tamy i Jehovah ohatse reke tie: “Homasinegne abey ty tahina’o.”—Matio 6:9; Jaona 17:6.
Naho fa mahafantatse sady mampiasa ty tahinan’Andrianagnahare ty ndaty raike, le manomboke miragnetse amy i Jehovah. (Salamo 9:10; Malakia 3:16) Nampitamà ty Andrianagnahare fa horambese’e soa o ragne’eo. Hoe reke: “Satria iraho ty nipiteha ty fo’e le hagnafake aze raho. Harovako reke, satria nanjare nahafantatse ty agnarako.”—Salamo 91:14.
Hoe ty Baiboly: ‘Misy ty tokavegne tihoe “andrianagnahare” ndra an-dagnitse agne ndra an-tane etoy, manahake ty isia ty “andrianagnahare” maro naho “tompo” maro.’ (1 Korintianina 8:5, 6) Faie rehafe ty Baiboly ka fa i Jehovah ty tahina i tena Andrianagnaharey.—Salamo 83:18.
a Misy manam-pahaiagne miomba ty rehake hebreo mirehake fa “Yahveh” ndra “Iaveh” ty tahinan’Andrianagnahare.
b Miseho in-50 eo ho eo amy Baiboly ao tihoe “Jah” fagnafohezagne tihoe Jehovah. Misy tihoe “Jah” ka ty rehake tihoe “Haleloia” ndra “Aleloia” midika tihoe “Miderà i Jah.”—Apokalypsy 19:1, Fandikan-teny Protestanta; Fandikan-teny Katolika.
Va'e ho Tea'o Ka
VALEM-PAGNONTENEAGNE ARA-BAIBOLY
Ia o Jehovah Zao?
Andrianagnahare ty firenena raike avao vao ty Jehovah, ohatse o Israelitao avao?
ESSENTIAL BIBLE TEACHINGS
Managne Agnaragne vao ty Andrianagnahare?
Atao tihoe Tompo ty Hery, Mpamorogne naho Tompo ty Andrianagnahare. Faie trea mihoatse ty im-7000 agnate Baiboly ao i tahina’e manokagney.
MIOMBA ANAY
Hangatake Hotilihegne
Miharoa midineke miomba ty Baiboly ndra ianaro soa ty miomba ty Vavolombelo i Jehovah.