Eka. Mino i Jesosy, i nirehake hoe izaoy zahay: “Izaho ro lalagne, naho hamarenagne, sady havelogne. Tsy misy mahazo mandeha mbaman-dRaeko mbeo naho tsy amy ty alalako.” (Jaona 14:6) Mino zahay fa boake an-dagnitse agne ty Jesosy, le niavy an-tane etoy sady nanao sorogne ty fiai’e voririke. (Matio 20:28) Noho ireke nimate naho nivelomegne tamy ty matey, le afake hiaigne nainai’e ze mino aze. (Jaona 3:16) Mino ka zahay fa Mpanjaka ty Fanjakàn’Andrianagnahare an-dagnitse agne ty Jesosy tie amy izao sady tsy ho ela reke, le hinday fiadanagne an-tane etoy. (Apokalypsy 11:15) Faie eké’ay ka ty reha i Jesosy toy: “Bey mihoatse ahy ty Rae.” (Jaona 14:28) Tsy mivavake amy i Jesosy areke zahay satria tsy ireke o Andrianagnahare Fara’e Maherio.