LESOGNE 03
Azo’o Atokisagne vao ty Raha Rehafe o Baibolio?
Maro ty fampitamagne naho ty torohevetse rehafe ty Baiboly. Maregne fa te hahafantatse ty raha ampianare’e rehe, faie va’e hisalasala ka rehe tie azo atokisagne vao o Baibolio! Azo’o atokisagne vao ty fampitamagne naho ty torohevetse amo o boke fa ela iohoe? Mbe azo orihegne amy ty fiaignagne amy izao vao ty raha rehafe ty Baiboly? Azo atokisagne ka vao ty raha rehafe’e miomba ty hoavy? An-tapetrisa’e ty ndaty mino naho matoky izay. Andao tikagne handineke fa azo’o atokisagne ka ty raha rehafe’e.
1. Maregne vao ty tantara rehafegne agnate Baiboly ao?
Ty Baiboly ro mirehake tie ‘rehake maregne sady tsy misy diso’ ty rehafe’e. (Mpitoriteny 12:10) Mirehake raha tena nisy naho ndaty tena nisy ka reke. (Vakio ty Lioka 1:3; 3:1, 2.) Maro ty mpahay tantara naho ty mpikaroke nahatrea porofo fa tena maregne ty date, ty ndaty, ty toeragne vaho ty raha niseho rehafegne amy Baiboly ao.
2. Nagnino o Baibolio ro azo atokisagne ndra tie boke fa ela aza?
Maro ty raha rehafe o Baibolio, faie mbe tsy nifanta o ndatio tamy i fotoagne nanoratagne azey. Agnisa izay ohatse ty miomba o siansao. Ty ankamaroa ty raha rehafe o Baibolio miomba ty siansa mbe tsy ninoa o ndatio tamy i fotoagne nanoratagne azey. Faie mahatrea porofo ty manam-pahaiagne amy izao fa maregne ty raha rehafe o Baibolio. “Azo atokisagne ... nainai’e” io.—Salamo 111:7, 8.
3. Nagnino tika ro afake matoky ty raha rehafe ty Baiboly miomba ty hoavy?
Maro ty faminaniagne * amy Baiboly ao, sady mirehake mialoha ty raha ‘mbe tsy niseho’ i raha rey. (Isaia 46:10) Maro ty raha miseho manan-tantara fa nirehafe ty Baiboly mialoha. Fa nirehafe’e mialoha zao ty pitsopitson-draha miseho amy hinane zao. Handineke ty ila’e amy i faminania ty Baiboly rey tikagne amy ty lesogne toy. Ho trea’o fa tena mahagaga ty fahatanteraha irey amy ty pitsopitso’e!
ANDAO HANDINEKE TY PITSOPITSO’E
Hodinehentikagne ato fa mifagnarake amy ty siansa ty Baiboly. Hodinehentikagne ato ka ty fahatanteraha ty faminaniagne ao.
4. Mifagnarake amy ty siansa ty Baiboly
Nino ty ankamaroa o ndatio tie taloha fa misy raha itoboha’e ty tane toy. Alefaso i VIDEO oy.
Mareho ty raha nirehafe ty boke i Joba fa 3 500 taogne lasa zay. Vakio ty Joba 26:7, sady iharò midineke ty fagnonteneagne toy:
-
“Tsisy raha ihantogna’e ty tane toy.” Tamy ty andro ia ty nahafantaragne izay voaloha’e?
Tagnelagnela ty taogne 1800 naho ty taogne 1900 ty vaho nahafantaragne soa ty miomba ty fihodikodigna o ranò. Faie mareho ty raha rehafe ty Baiboly fa agn’arivo’e taogne lasa zay. Vakio ty Joba 36:27, 28 naho ty Mpitoriteny 1:7, sady iharò midineke ty fagnonteneagne retoa:
-
Ino ty mampieke azo miomba o fagnazavagne tsotra iohoe?
-
Nagnino ro magnamafe ty fatokisa’o o Baibolio o andine’e rehoe?
5. Mirehake mialoha miomba ty fisehoan-draha tena miambake ty Baiboly
Vakio ty Isaia 44:27–45:2, sady iharò midineke ty fagnonteneagne toy:
-
Ino iaby ty pitsopitson-draha fa nirehafe ty Baiboly 200 taogne mialoha, taloha ty handravàgne i Babilona?
Rehafe o mpikarokeo fa i Kyrosy Mpanjaka i Persa naho o maramila’eo ty nandrava i Babilona tamy ty taogne 539 T.K. * Natsile iareo lalagne i renerano niaro i tanàgneỳ. Fa nisokake avao i vavahadỳ tie tamy izay, le tsy nila nialy iareo fa le avy le nizilike avao. Amy izao le tena rava ty Babilona, 2 500 taogne mahery tafara i nandravagne azey. Mareho ty raha nirehafe ty Baiboly mialoha toy.
Vakio ty Isaia 13:19, 20, sady iharò midineke ty fagnonteneagne toy:
-
Akore ty ahatreavagne fa nitanterake o faminaniagne iohoe naho fa henteagne ty raha niseho tamy Babilona?
Ty tanà i Babilona a Irak agne rava tie amy izao
6. Fa nirehake mialoha ty raha hiseho amo o androntikagne hinane zao ty Baiboly
“Andro fara’e” ty irehafa ty Baiboly o fotoagne misy antikagne zao. (2 Timoty 3:1) Mareho ty raha rehafe ty Baiboly mialoha miomba o fotoagne zao.
Vakio ty Matio 24:6, 7, sady iharò midineke ty fagnonteneagne toy:
-
Ino iaby ty raha fa nirehafe ty Baiboly mialoha fa miseho amy izao?
Vakio ty 2 Timoty 3:1-5, sady iharò midineke ty fagnonteneagne retoa:
-
Ino iaby ty toetse ty ndaty rehafe o andine’eo fa hiseho amy ty andro fara’e?
-
Aia amo o toetse rehoe ty trea’o fa misy?
MISY TY MIREHAKE FA: “Raha tsy tena nisy ty raha rehafe o Baibolio.”
-
Ino ty raha mampieke azo fa azo atokisagne o Baibolio?
FAMINTIGNAGNE
Atoro o tantarao, o siansao, naho o faminaniagneo fa tena azo atokisagne ty Baiboly.
Fameregnagne
-
Maregne vao ty tantara rehafegne amy Baiboly ao?
-
Ino iaby ty raha rehafe o siansao mifagnarake amy ty Baiboly?
-
Arake ty heve’o, afake mirehake mialoha miomba ty raha hiseho amy ty hoavy vao ty Baiboly? Hazavao.
FAGNAZAVAGNE FAGNAMPE’E
Misy amy ty raha rehafe o Baibolio vao tsy mifagnarake amy ty siansa? Ho trea’o ato ty vale izay.
“Mifagnarake amy ty Siansa vao ty Baiboly?” (Lahatsoratse amy jw.org ao)
Ino iaby ty raha hiseho amy ty “andro fara’e”?
“Faminaniagne Enegne fa Tanterake” (Fitalakesan-davitse 1 Mey 2011)
Ho trea’o ato fa maregne ty faminania ty Baiboly miomba ty Fanjakà i Gresy.
Ho trea’o ato fa nagnova ty fihevera ty lahilahy raike toy o Baibolio ty faminaniagne ao.
“Tsy Nisy ze o Andrianagnahare zao tie Tamako” (Fitalakesan-davitse Nim. 5 2017)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
