Fitondràm-panjakagne an-dagnitse agne o Fanjakagne iohoe, sady hagnafoagne ty fanjakagne an-tane toy iaby. Io ty ampiasaen’Andrianagnahare hanao ty zoton’arofo’e an-dagnitse agne naho an-tane etoy. Hahazo ze raha paliae’e o ndatio naho fa mitondra o Fanjakagne iohoe, sady hifankatea ty ndaty iaby. Talily soa vata’e zay!​—Vakio Daniela 2:44; Matio 6:9, 10; 24:14.

Tinendre i Jehovah ho Mpanjaka i Fanjakà’ey ty Jesosy Kristy Ana’e.​—Vakio Apokalypsy 11:15.

Henteo ty video Inogne o Fanjakan’Andrianagnahare Zao?

Mpanjaka soa vata’e reke, satria soa fagnahy sady tsy mampandefetse ty rare’e. (Matio 11:28-30) Mahery reke, sady afake magnampe o ndatio naho fa hanjaka boake an-dagnitse agne. Naho fa vinelogne ie nimatey sady niheregne an-dagnitse agne, le nandigne tankavanan’Andrianagnahare eo hey. (Hebreo 10:12, 13) Tafara tatoy reke vaho izay nimeagne fahefagne hitondra.​—Vakio Daniela 7:13, 14.

O “ndaty masigne” reo ty hiara-hanjaka ama’e an-dagnitse agne. (Daniela 7:27) Ia iareo? Agnisa’e o apostoly tsy nivalike sady finily voaloha’e reo. Mbe mijobogne lahilahy naho ampela manam-pinoagne, ho agnisa o ndaty masigne reo ty Jehovah hatrake amy hinane zao. Hovelome’e ho fagnahy manahake i Jesosy iareo.​—Vakio Jaona 14:1-3; 1 Korintianina 15:42-44.

 Fire ty ndaty ho an-dagnitse agne? “Agnondry tsy ampe” ty nanognona i Jesosy ze ndaty hitondra ty tane toy miharo ama’e. (Lioka 12:32) Hisy 144000 iareo.​—Vakio Apokalypsy 14:1.

Nanomboke ninday ty Fanjakàn’Andrianagnahare tamy ty taogne 1914. * Naho fa nandrambe fahefagne ty Jesosy, le niroahe’e boake an-dagnitse agne ty Satana naho o demonia’e reo, sady natora’e an-tane etoy. Ty voka’e, nanjare feno loza ty tane toy satria boseke mafe ty Satana. (Apokalypsy 12:7-10, 12) Nanomboke teo, le nitombo o alio, o hakeregneo, o aretegne manjamagne naho o horohoron-taneo. Izay ty “famantaragne” tie fa kede ty sisa, le hagnova ty fiaignagne an-tane etoy i Fanjakagney.​—Vakio Lioka 21:7, 10, 11, 31.

Fa mamory ndaty maro boake amy ty tane toy iaby o Fanjakagne iohoe, amy ty alala ty asa fitoriagne. An-tapetrisa’e iareo amy hinane zao, sady mifankatea. Harova i Fanjakàn’Andrianagnaharey iareo naho fa horavagne ty tontolo raty toy. Naho tea’o ty harova i Fanjakagney, le tsy maintsy mankatò i Jesosy rehe.​—Vakio Apokalypsy 7:9, 14, 16, 17.

O Fanjakagne iohoe ty hagnatanterake ty fikasan’Andrianagnahare miomba o ndatio agnate ty 1000 taogne. Hanjare paradisa iaby ty tane toy amy izay. Afara izay, le hahere i Jesosy aman-dRae’e i Fanjakagney. (1 Korintianina 15:24-26) Ia ty ndaty mba tea’o hirehafagne ty miomba i Fanjakàn’Andrianagnaharey?​—Vakio Salamo 37:10, 11, 29.