“లోకమంతా దుష్టుని గుప్పిట్లో ఉంది.”—1 యోహాను 5:19, కొత్త లోక అనువాదం.

“అపవాది [లేదా, సాతాను] పనుల్ని నాశనం చేయడానికే దేవుని కుమారుడు వెల్లడి చేయబడ్డాడు.”—1 యోహాను 3:8.

లోకంలో ఇన్ని సమస్యలు ఎందుకున్నాయో అర్థమౌతుంది.—ప్రకటన 12:12.

లోకంలోని పరిస్థితులు మెరుగౌతాయనే నమ్మకం కలుగుతుంది.—1 యోహాను 2:17.

మూడు కారణాలు పరిశీలించండి.

• సాతాను పరిపాలన అంతం కాబోతుంది. మనుషుల్ని సాతాను గుప్పిట్లో నుండి విడిపించాలని యెహోవా నిర్ణయించాడు. ‘అపవాదిని నాశనం చేసి,’ అతని వల్ల వచ్చిన బాధలన్నిటినీ తీసేస్తానని దేవుడు మాటిచ్చాడు.—హెబ్రీయులు 2:14.

• లోకాన్ని పరిపాలించడానికి దేవుడు యేసుక్రీస్తును ఎంచుకున్నాడు. ఇప్పుడు లోకాన్ని పరిపాలిస్తున్న సాతాను చాలా క్రూరుడు, స్వార్థపరుడు. కానీ యేసు అలా కాదు. యేసు పరిపాలన గురించి దేవుడు ఇలా చెప్పాడు: ‘ఆయన దీనుల మీద, పేదవాళ్ల మీద జాలి చూపిస్తాడు. అణచివేత నుండి, దౌర్జన్యం నుండి వాళ్లను రక్షిస్తాడు.’—కీర్తన 72:13, 14.

• దేవుడు అబద్ధమాడడు. బైబిలు ఇలా చెప్తుంది: ‘దేవుడు అబద్ధమాడడం అసాధ్యం.’ (హెబ్రీయులు 6:18) యెహోవా ఏదైనా చేస్తానని మాటిస్తే, అది జరిగి తీరుతుంది! (యెషయా 55:10, 11) ఈ లోక పరిపాలకుడు ఖచ్చితంగా “బయటికి తోసేయబడతాడు.”—యోహాను 12:31.