సామెతలు 7:1-27
7 నా కుమారుడా, నా మాటల్ని పాటించు,నా ఆజ్ఞల్ని సంపదలా దాచుకో.
2 నా ఆజ్ఞల్ని పాటిస్తూ ఎక్కువకాలం బ్రతుకు;+నా ఉపదేశాన్ని నీ కనుపాపలా కాపాడుకో.
3 వాటిని నీ వేళ్లకు కట్టుకో;నీ హృదయమనే పలకమీద రాసుకో.+
4 తెలివితో, “నువ్వు నా సహోదరివి” అని,
అవగాహనతో, “నువ్వు నా బంధువువి” అని చెప్పు.
5 అప్పుడవి దిగజారిన* స్త్రీ+ నుండి,అనైతిక* స్త్రీ మాట్లాడే తియ్యని* మాటల నుండి నిన్ను కాపాడతాయి.+
6 ఒకసారి నేను నా ఇంటి కిటికీ జాలీలో నుండికిందికి చూస్తున్నప్పుడు,
7 అనుభవంలేని కొంతమందిని గమనించాను,యువకుల మధ్య వివేచనలేని ఒక యువకుడు నాకు కనిపించాడు.+
8 అతను ఆ స్త్రీ ఉన్న వీధి మలుపు దగ్గర నడుస్తున్నాడు,ఆమె ఇంటి వైపుగా అడుగులు వేశాడు,
9 అది సాయంత్రం, సంధ్యవేళ,+రాత్రి చీకటిపడే సమయం.
10 అప్పుడు వేశ్యలా బట్టలు వేసుకున్న ఒక స్త్రీ+కపట హృదయంతో అతని దగ్గరికి వచ్చింది.
11 ఆమె పెద్దగా మాట్లాడుతుంది, బరితెగించింది.+
ఆమె కాలు ఇంట్లో నిలవదు.
12 ఆమె ఒక క్షణం బయట ఉంటే, ఇంకో క్షణం సంతవీధుల్లో ఉంటుంది,ఆమె ప్రతీ వీధి మూల దగ్గర మాటువేస్తుంది.+
13 ఆమె అతన్ని పట్టుకుని ముద్దు పెట్టుకుంది;సిగ్గుమాలిన ముఖంతో అతనితో ఇలా అంది:
14 “నేను సమాధాన బలులు అర్పించాను.+
ఈ రోజే నా మొక్కుబళ్లు చెల్లించాను.
15 అందుకే నిన్ను కలుసుకోవాలని వెతుక్కుంటూ వచ్చాను,ఇదిగో, నువ్వు కనిపించావు!
16 నా మంచం మీద శ్రేష్ఠమైన దుప్పట్లు,ఐగుప్తు* నుండి వచ్చిన రంగురంగుల నార దుప్పట్లు+ పరిచాను.
17 నా మంచం మీద బోళం, అగరు, దాల్చినచెక్క+ చల్లాను.
18 రా, తెల్లారేవరకు వలపుతీర తృప్తి పొందుదాం;కలిసి సుఖం అనుభవిద్దాం.
19 మా ఆయన ఇంట్లో లేడు;దూరప్రయాణం వెళ్లాడు.
20 తనతోపాటు డబ్బు సంచి తీసుకెళ్లాడు,పౌర్ణమి రోజు దాకా తిరిగిరాడు.”
21 అలా ఆమె ఒప్పించే మాటలతో అతన్ని మాయచేసింది.+
తియ్యని మాటలతో అతన్ని బుట్టలో వేసుకుంది.
22 పశువు వధకు పోయినట్టు, మూర్ఖుడు సంకెళ్లతో* శిక్షించబడడానికి వెళ్లినట్టుఉన్నట్టుండి అతను ఆమె వెంట వెళ్లాడు.+
23 చివరికి అతని కాలేయంలోకి బాణం దూసుకెళ్తుంది;పక్షి ఉచ్చులోకి వేగంగా వెళ్లినట్టు అతను వెళ్లాడు,
దానివల్ల తన ప్రాణం ప్రమాదంలో పడుతుందని అతనికి తెలీదు.+
24 కాబట్టి నా కుమారులారా, నేను చెప్పేది వినండి;నా మాటలు శ్రద్ధగా ఆలకించండి.
25 నీ హృదయాన్ని ఆమె మార్గాల వైపు తిరగనివ్వకు.దారితప్పి ఆమె త్రోవల్లోకి వెళ్లకు,+
26 ఆమె కారణంగా చాలామంది గాయపడి పడిపోయారు,+ఆమె లెక్కలేనంత మందిని చంపింది.+
27 ఆమె ఇల్లు సమాధికి* తీసుకెళ్తుంది;అది మరణశాలలకు దారితీస్తుంది.
అధస్సూచీలు
^ అక్ష., “అపరిచిత.” సామెతలు 2:16 చూడండి.
^ అక్ష., “విదేశీ.” సామెతలు 2:16 చూడండి.
^ లేదా “ప్రలోభపెట్టే.”
^ లేదా “ఈజిప్టు.”
^ లేదా “బొండలో.”
