AISISIAET NA 57
Do bo Arai Iswamau Ijo Adiakaret Naepol?
Karaida imina ijo Yawe noi ido kocoite aiswamaun idiobore yenitakadikini ngesi, acepak ipedori ijo aibucar. Konye, acediakanareta eraasi nuepolok adepar nuce. (1 Ikorinton 6:9, 10) Konye arai kiswamau ijo adiodiakaret naepol kiitu ebe mam Yawe inyeikinit amin ijo, ekapakina ngesi aisioni ka aingarakin ijo aitemokin ngun.
1. Anyoika bo nuibusakinit oni aswam kanu Yawe aitim oni?
Ngul lueminasi Yawe epupete erono noi naejenuniata ebe eswamautu adiodiakaret naepol. Konye edumunete kesi aitalakaario kotoma aisumunet naka Yawe naebala ebe: “Karaida kerengak adiakanaretakus be, ekwanguunete kwape kakile.” (Isaia 1:18) Arai erai aitoronikiniwok naelomunit kotau, itimi cut Yawe oni. Epone ani ipedoria oni aitoronikin? Aipup erono noi kanu adiakaretawok einakini oni apalar aswam nueroko kasodete ailip Yawe aitim oni. Ido iswamai oni kagogong aijulakin aomisiowok nueroko nuainakinete oni adiakar, kasodete aitam aswam nuipedori kere aijar katupitos aicoreta nuka Yawe.—Kosiom Isaia 55:6, 7.
2. Epone ani itwasama Yawe imakio kanu aingarakin oni kidiaka?
Arai kiswamau oni adiodiakaret naerono noi, elimokinit Yawe oni ‘anyaraun imakio’ luka atukot. (Kosiom Yakob 5:14, 15.) Eminasi imakio ngul Yawe ido eminasi amerekekinike da. Ituutooritai kesi aingarakin oni adukun bobo eidicane loajokan keda Yawe.—Igalatian 6:1.
Epone ani ingarakiniata imakio oni arai kiswamau oni adiodiakaret naerono noi? Epedorete imakio iyarei arai iwuni aitetenaar oni kitwasamaete ikokoron luka Ebaibuli. Einakinete kesi oni aicoreta nuitodikinete oni nuebeit aswam ido nuisinyikokinete oni aisac adiakar bobo. Epedorete kesi aseun aitanang aswamisinei ace nuiswamaenenei oni kotoma atukot kitoni naijaunor bobo oni keidicane loejok keda Yawe. Kanu ayuwar atukot tetere mam emunaar, elemarete imakio idiotunganan yeniswamat adiakar naepol noi komam ekoto aitoronikin kotenan.
KISISIAU NUIPU
Kisisiau ido komisiik epone loingarakinitor Yawe oni kiswamau oni adiakaret naepol ido epone loisiyalamikinet nges kanu aingarakinio kangin.
3. Alimor adiakaretewok ingarakini oni ainyakun eidicanewok keda Yawe
Adiodiakaret kere naiswamauni oni itakadikini Yawe, aso ibusakinit oni alimokin nges. Kosiom Isabulin 32:1-5, kosodete aimor aingiset nata:
-
Kanuinyo ibusakinitor oni alimokin Yawe adiakanaretawok itia aitam aimunon kes?
Akaulo na oni alimokin Yawe adiakaretewok kasodete aingitun aingarakinio kaneejaasi imakio, ibuni oni aipup ejok noi. Koboliak EBIDIO, kosodete aimor aingiset naetupakini.
-
Kotoma obidio kangol, epone ani engarakiniata imakio Canon abongun neejai Yawe?
Ibusakinit oni alimokin imakio abeit kere naikamunit adiakaretewok naarai isipedoorete ngun kesi aingarakin oni. Kosiom Yakob 5:16, kosodete aimor aingiset nata:
-
Einer abeit kaneejaas imakio, epone ani isepedoria kesi aingarakin oni?
Kolimo adiakaretekon, kiner abeit kaneejaasi imakio, ido kocamak Yawe kitodik ijo akemin kopone loka aingarakin ijo
4. Ajokis naka alemar itunganan kotoma atukot
Arai kenger itunganan yenediakarit aitup aicoreta nuka Yawe, mam bobo ngesi esalakini erai yenikotoma atukot naka Ajenak Luka Yawe. Elemario itunganan ngin kotoma atukot, ido mam bobo oni ineranana ka aupanana kanges. Kosiom 1 Ikorinton 5:6, 11 keda 2 Yokana 9-11, kosodete aimor aingiset nata:
-
Kwape itubuunia aitubuunet naedit alunguret kere naka emugati, anyoika bo nuepedorete atakanun arai iupanana oni kitunganan yenegirit aitoronikin?
Itunga luipu lualemaritai kotoma atukot abongutu naarai karaida apipil alecorio, abu kingarak kes amisiikin ebe eroko nuiswamatos kesi. (Isabulin 141:5) Koboliak EBIDIO, kosodete aimor aingiset naetupakini.
-
Kotoma obidio kalo, epone ani abu alemario kingarakinia Sonja?
Epone ani epedoriata ainapeta nuka alemario katukot . . .
-
aijaikin ekiror loka Yawe aibuses?
-
aitodun ebe erai Yawe loemin ido edolitos itubesiake?
5. Arai kitoronikin oni itimi Yawe oni
Abu Yesu kitwasam aitupuset naingarakini oni amisiikin epone loepupio Yawe arai kitoronikin itunganan. Kosiom Luka 15:1-7, kosodete aimor aingiset nata:
-
Anyoika bo nuisisianakinete ngun ijo kanuikamunitos Yawe?
Kosiom Esekiel 33:11, kosodete aimor aingiset nata:
-
Anyoika nuibusakinit oni aswam kanu aitodun ebe itoronikina oni?
Kwape ka ekecokon, epodokinit Yawe noi akemerekekin
EBAKASI ICETUNGA EBE: “Akuriana eong alimokin imakio akadiakaret naarai elemario eong.”
-
Anyoika bo nuilimokini ijo itunganan yenepupi kwangin?
NUIDAU AISISIAUN
Arai kiswamau oni adiakaret naepol ido ketodunitos aitoronikin nakabeit, kasodete aswam kagogong aisac aronis, itimi Yawe oni.
Ainyogoor
-
Kanuinyo ejokunar oni alimokin Yawe adiakaretawok?
-
Anyoika bo nuibusakinit oni aswam tetere idumuni aitimio kanu adiakanaretawok?
-
Arai kiswamau oni adiakaret naerono noi, kanuinyo ibusakinitor oni adumun aingarakinio kaneejaasi imakio?
ISISIAU BOBO NUTA
Koany epone loabu Yawe kitimio ediopetunganan kwape ineritere kotoma Isaia 1:18.
Epone ani ingarakiniata oni kere ainapeta nuka alemario?
“Ibore Yeneraatar Ainapeta Nuka Alemario Nuka Amin” (Watchtower, Elap Loiwongonet 15, 2015)
Kisisiau epone loipedoria ijo aitetemikin itunganan yenimam ijaanakini Yawe nuikamunitos ainapeta nuka alemario.
“Elaitos Kereka Ajenak Luka Yawe Ngul Luajaasi Lem Odiinikec?” (Aisisiaet naka olago)
Kotoma akou naka akirot “Epuda Eong Abongor Neejai Yawe,” isisiau kanuinyo abalar etunganan ediopet loajalit abeit ebe abu Yawe kinyaku nges.
“Ijulakini Ebaibuli Itunga” (Watchtower, Elap Loiwongonet 1, 2012)
