Een, Aôndo ka a wase mba ve er msen ve pine un akaa sha mimi, a a gbe a zough sha ishima na la. Wea vanden eren msen ga je kpa, msen u ior mba i er kwagh ve ken Bibilo ér yange ve er ve kaa ér, “Wasem, TERE, Aôndo” la, una fatyô u taver we ishima. Ikyav i tesen yô:

•   “Wasem, TERE, Aôndo wam, yimam sha erdoo Wou.”—Pasalmi 109:26.

•   “TERE, ver ato, zungwen mhôônom; TERE, lu Or u wasen mo.”—Pasalmi 30:10.

 Ka mimi ior mba ve nger mkaanem man ne yange ve lu a jighjigh u nan hen Aôndo. Nahan kpa, Aondo keghen ato a ior mba ve va hen a na a ishima i môm la cii. Amba er mba “asema a vihin ve” shin mba ve lu a “ishima i zamber” nahan.—Pasalmi 34:18.

 Doo u u nengen wer Aôndo gba ica a we ngee gande je yô, kwagh gba un sha mbamzeyol ou ga ze. Bibilo kaa a vese ér: “Er TER A lu Sha, nahan kpaa, we mbahiden ayol ijime ikyo, kpa mbagengeseayol yô, fe ve ken ica je.” (Pasalmi 138:6) Jighilii yô, Yesu yange kaa a mbahenen nav shighe ugen la ér: “Ice yen i sha ityou kpaa, i ôr i cii.” (Mateu 10:30) Aôndo fa akaa a sha iyol you agen a we iyol you kpa u fe a ga yô. Nahan una kera kegh ato a we shighe u u er msen wer a wase u sha mbamzeyol ou la gaa?—1 Peteru 5:7.