Orgban wase wa atindi sha kwagh u ivesegh ica i gba cii ve ugomoti va hii u wan atindi sha kwagh ne ye. Takerada u hiihii u ken Bibilo la kaa ér: “Or ka nan undu ter u nan kua ngô u nan, nan var ken kwase u nan, ve hingir iyôgh i môm.” (Genese 2:24) Takerada u i yer ér Vine’s Expository Dictionary of Bibilical Words la pase ér Ishember i ken zwa Heberu i i gem ér “kwase” la “ngi ôron kwagh u orumace u nan lu nomsoor ga yô.” Yesu kpa va seer pasen kwagh u mzough u ken ivese ne ér, gba u a lu mzough u hen atô u “nomsoor kua kwase.”—Mateu 19:4.

 Sha nahan yô, Aôndo yange soo ér ivese i lu mzough u hen atô u nomsoor kua kwase, u lun kôôsôô shi tsan gbem kpaa. I gba nomsoor man kwase ér ve wasen ayol a ve, nahan ve yaven a ayol a ve shi ve zua a mkom shi ve mar ônov yô.