Ka Nyi I Lu Ishima i Aôndo?
Aôndo soo ér se lu ken paradiso shin tar gbem sha won, i saan se iyol shi se lu ken bem kpaa!
Kpa alaghga u pine wer, ‘a er nan je ve imbakwagh la ia er sha wono?’ Bibilo kaa ér Tartor u Aôndo ua er kwagh ne, shi ishima i Aôndo yô, ka u ior cii ve hen kwagh u Tartor la, kua kwagh u un we ishima u eren sha ci wase la kpaa.—Pasalmi 37:11, 29; Yesaia 9:7.
Aôndo soo ér i kpe se iyol.
Er ter u injaa ka nan soo ér i kpe mbayev mba nan iyol nahan, kape Ter wase u sha la kpa, i sar un u se lu ken msaanyol gbem sha won je la. (Yesaia 48:17, 18) Aôndo tôndo zwa ér or u nan ‘eren ishima na yô, nan ngu lun gbem sha won.’—1 Yohane 2:17.
Aôndo soo ér se zende sha igbenda na.
Bibilo kaa ér Orgban wase soo ér una “tese se igbenda Na” sha er se kpa se “zende sha igbenda Na” yô. (Yesaia 2:2, 3) Aôndo kohol ‘nongoior sha ci u iti Na,’ sha er vea pase kwagh u a lu ishima na la sha tar cii yô.—Aerenakaa 15:14.
Aôndo soo ér se civir un ken mzough.
Mcivir u Yehova u wang la, ka a na ior ve lu ken mzough, ve soo ayol a ve sha mimi, mpav a kera lu hen atô ve ga. (Yohane 13:35) Ka unô ve lu tesen nomso man kasev hanma ijiir cii er vea civir Aôndo ken mzougho? Antakerada ne una wase u u̱ fan.
Kwagh Ugen u Alaghga Shi Una Doo U Yô
KWAGH WASE
Ka i Hen Bibilo a Or Nena?
I fa Mbashiada mba Yehova tar sha won wuee, sha tom ve u henen Bibilo a ior gbilin la. Nenge er ka ve er kwagh ne yô.
KWAGH WASE
Doo u Ú Hen Bibilo sha ci u Nyi?
Bibilo ngi tan ior umiliôn umiliôn sha tar cii iwanger sha akaa a hange hange a a tsum ve la. We kpa u soo u zuan a iwanger shonoo?
