Биз сизиң шу брошюра аркалы Ехованың Шаяталары билен танышмак үчин вагт сарп эдендигиңизе чуңңур миннетдарлык билдирйәрис. Элбетде, сиз бизиң ерине етирйән ишлеримиз ве гурамамызың херекет эдиши билен якындан таншансыңыз. Бу брошюра сизе шу гүнлер Ехова Худайың ислегини кимиң ерине етирйәндигине дүшүнмәге көмек эдендир дийип умыт эдйәрис. Биз сизи Худай барада билим алмагыңызы довам этмәге, өвренен затларыңызы доган-гарындашларыңыза ве дост-ярларыңыза гүррүң бермәге хем-де йыгнак душушыкларымыза ызыгидерли гатнашмага хөвеслендирйәрис (Еврейлер 10:23—25).

Сиз Ехованы нәче говы танадыгыңызча, шонча-да Онуң сизе болан чәксиз сөйгүсине гөз етирерсиңиз. Нетиҗеде, сиз хем Худайы сөййәндигиңизи гөркезмек исләрсиңиз (1 Яхя 4:8—10, 19). Эмма сиз муны нәдип эдип билерсиңиз? Худайың ахлак кадаларына эермек нәме үчин ваҗып? Сизе Худайың ислегини ерине етирмәге нәме көмек эдер? Бу сорагларың җогабыны тапмага сизе Мукаддес Язгылар окувыны гечйән вагызчы ярдам эдип билер. Шейдип, сиз ве сизиң машгала агзаларыңыз «Худайың сөйгүсинде» галып, «эбеди яшайша» говшуп билерсиңиз (Яхуда 21).

Биз сизи шу ашакда гөркезилен эдебият аркалы сапак гечип, хакыката чуңңур дүшүнмегиңизи ислейәрис.