Pasha baýramçylygy Mukaddes Kitaba esaslanmaýar. Eger onuň gelip çykyşyna üns berseňiz, Pasha baýramynyň gadymy döwürde hasyllylyk adaty bilen baglydygyna göz ýetirersiňiz. Geliň, käbir aýratynlyklaryna seredeliň:

1.   Ady: Britannika ensiklopediýasynda şeýle diýilýär: «Iňlis dilinde «Easter» diýen sözüň nämäni aňladýandygy näbelli; VIII asyrda Anglo-Sakson ruhanysy Bede Wenerable ony şol halkyň ýaz paslynyň aýal taňrysy Eostre bagyşlady». Beýleki taryhy çeşmelerde bolsa, ony finleriň hasyl taňrysy Astarte, ýagny Wawilonyň Iştar taňrysyna bagyşlandyklary aýdylýar.

2.   Towşanlar: Bu hasyllylygyň nyşany bolup, «gadymy däp-dessurlaryň biri hasaplanýar. Ol Ýewropa hem-de günorta-günbatar Aziýa ýurtlarynda bellenilýän butparazlaryň ýaz baýramçylygyndan gelip çykan» («Encyclopædia Britannica»).

3.   Ýumurtgalar: Bir kitapda aýdylmagyna görä, Pasha ýumurtgalaryny Pasha towşanynyň getirýändigine ynanyp, ony goramak «bu çagalaryň oýny däl-de, hasyllylygyň nyşany hasaplanýar» («Funk & Wagnalls Standard Dictionary of Folklore, Mythology and Legend»). Käbir medeniýetler Pasha ýumurtgalaryny reňklemegiň «gudrat bilen bagt, parahatlyk, saglyk we gorag berýändigine» ynanypdyrlar («Traditional Festivals»).

4.   Täze pasha eşigi: «Skandinawiýanyň ýaz taňrysy Eastry köne egin-eşigiň bilen garşylamak hormatsyzlyk hasaplanypdyr we munuň betbagtlyk getirýändigine ynanypdyrlar» («The Giant Book of Superstitions»).

5.   Günüň dogşy bilen bagly däpler: Bu däp gadymy döwürde güne sežde edýän adamlaryň «ýaz paslynda gije-gündiziň deňleşen wagty güni we onuň bütin tebigata ýaşaýyş berýän güýjüni garşylamak» bilen bagly bolupdyr («Celebrations—The Complete Book of American Holidays»).

 «Katolik ensiklopediýasynda» hristianlaryň pasha baýramynyň gelip çykyşy aýdyň düşündirilýär: «Köp halklaryň pashalyk nyşanlary heniz hristian dini döremänkä bellenilýän ýazky baýramçylyklardan, köp bölegi bolsa hasyllylyk bilen bagly butparaz däp-dessurlardan gelip çykdy».

 Mukaddes Kitapda Hudaýyň göwnünden turmak üçin Oňa ýaramaýan däp-dessurlara we adatlara eýermeli däldigi barada duýduryş berilýär (Markus 7:6—8). 2 Korinfliler 6:17-de şeýle diýilýär: «Ýehowa şeýle diýýär: „Olardan aýrylyň. Haram zatlara el degirmäň“». Hudaýy razy etmek isleýän adamlar butparazlykdan gelip çykan Pasha baýramyny bellemez.