E toka fia Molimau a Ieova e kē iloa? Hovē ko iē tahi o ki matou ko ni o tuakoi, faigaluega fakatahi, pe vahega fakatahi ma koe. Pe na talanoa ki matou ma koe e fakatatau ki te Tuhi Paia. Ko ai moni ki matou, ma aiheā e tufa atu ai o matou talitonuga ki nā tino uma?

Ko matou ko ni tino mahani. E ōmamai ki matou mai ni kāiga kehekehe ma tulaga mahani o te olaga. E i ei iē tahi o ki matou nae lolotu i ni lotu kehekehe, ko iē tahi nae hē talitonu ki te Atua. Kae heki kavea ma Molimau a Ieova, ko ki matou uma na fakafano he taimi ke hukehuke ai ma te fakaeteete nā akoakoga a te Tuhi Paia. (Galuega 17:11) Na malilie ki matou ki nā mea nae matou akoako, ma fai e ki matou te filifiliga ke tāpuaki atu ki a Ieova te Atua.

E ki matou maua nā aogā mai te hukehuke ki te Tuhi Paia. E vēia ko iē tahi tino, e fakafeagai foki ki matou ma nā fakafitauli ma o matou vaivaiga. Kae i te taumafai ke fakatino nā matakupu hilihili faka-te-Tuhi Paia ki o matou olaga i nā aho uma, e iloa ai e ki matou kua atiake te tulaga o matou olaga. (Halamo 128:​1, 2) Ko he tahi mafuaga tēnā e tufa ai e ki matou ki iē tahi nā mea lelei kua akoako mai e te Tuhi Paia ki a te ki matou.

Ko ki matou e ola i nā matakupu tāua a te Atua. E akoako mai e te Tuhi Paia nā matakupu tāua iēnei, e fehoahoani mai ki a te ki matou ke ola lelei ma te fakaaloalo ki iē tahi, fakatahi ma nā uiga e vē ko te fakamāoni ma te agalelei. Ko nā matakupu tāua iēnei e fehoahoani ke atiake ai te ola mālōlō ma kavea ma ni tino e aogā i nuku kehekehe mo tagata uma, ma fakamalohia te kautahi o te kāiga ma nā amioga lelei. E talitonu ki matou “ko te Atua e hē fakapito,” ko ki matou he kau uho fakateagaga fakavā-o-malo moni, e haoloto mai i te fakailoga tino ma nā faiga fakapolitiki. E kui ko ki matou ko ni tino mahani, e kavea ki matou ma ni tino uigakehe.​—Galuega 4:13; 10:​34, 35.

• Ko he ā e tutuha ai nā Molimau a Ieova ma iē tahi tino?

• Ko ni ā nā matakupu tāua kua akoako ai Molimau a Ieova mai te hukehuke o te Tuhi Paia?